تقييمات لب بيكري. (مخبز) - أبها (منطقة عسير).

لب بيكري

775 تقييمات العملاء

91 تعليقات المستخدمين

مخبز

مخبز

طريق الملك عبدالعزيز، الوردتين، أبها 62521

معلومات إضافية

معلومات عن لب بيكري (مخبز - أبها, منطقة عسير)

تحقق من تفاصيل المكان، ساعات العمل، أوقات الازدحام، معلومات الاتصال، الصور والتقييمات الحقيقية من المستخدمين.

هذا المكان لديه تقييمات ممتازة ويظهر خدمة عملاء رائعة. موصى به بشدة!

الخريطة

ساعات عمل لب بيكري

أوقات الازدحام

الاثنين

الثلاثاء

الأربعاء

الخميس

الجمعة

السبت

الأحد

تقييمات لب بيكري

A. M.

كل شي عندهم حرفيا لذيذ. داينش الليمون والبلوبيري لذيذ بشكل. الكروسان الساده ممتاز والمواد الاوليه top notch شكرا لكم على وجودكم في ابها 🫶🏻

م.

ياااه على اللذاذه طعم خورافي ، غيمة من الجمال، جربت من عندهم دانش البلوبيري،ودانش التشيز كيك ، ودانش الاجبان مع البيستو اعطيهم 10/10 القهوة لذيذة وموزونه ،،نطالب بفتح فرع في جدة يسعدلي مخرجاتكم الجميلة كل التوفيق 😇

‪. A. (.

من أفضل الأماكن المتخصصة في الحلا روعة تفوق الخيال جميع الأصناف رائعة وهذي زيارتي لهم للمرة الثالثة وبنفس المستوى أنصصحكم تجربون (حلا أم علي) حلا فاخر ولديهم بن أثيوبي جميل

H. A.

اول تجربه وراح اعتمده ان شاء الله المخبوزات جميله والقهوه مضبوطه جدآ والمكان صغير بس الجلسات العلويه جميله وشرحه 👍🏻👍🏻

Z. A.

جميل جدا القهوة والسويت وخصوصا تارت البيكان وكمان الفرنش توست لذيذة جدا واجوا المكان خيال

H. A.

يجنن المخبوزات طرية كأنها غيمه وحلاها موزون والكريمة خفيفه ، حلال فيه كل ريال وأكيد برجع له ❤️👍🏻

B.

مخبوزات لذيذه واحترافيه الدانش والفرنش توست محشي قشطه وكيكة اليمون وكيكة اليمون حكااايه طريه ترف موزونه احب اقول لموظف الاستقبال اللي راهني على كيكة اليمون من سنه ( العام ) انه فاز بالرهان لم اجد في مستوها في جميع الكفيهات اللي زرتها في الرياض والخبر وجدة 😋 رجعت هذا العام واستمتعت بتناولها ملاحظه صغيره ليت لو يضيفون للمنيو قهوة مختصه جميل يامقهى لب 💜

ع. آ. ه.

يوم جميل من لُب بداية من الأجواء الجميله الله يديمها علينا' ومن زيارتي لهم كل شيء كان رهيب لا من الديكور ولا من التعامل الحسن ولا من الأصناف إلي العين تأكل منها قبل الذوق جربت عندهم:- "دانيش الجبنة والعسل" 14 ريال "فوكاتشيا" 12 ريال "قهوة اليوم" 10 ريال كل الأصناف لذيذة والخبز طري والقهوة موزونه والأسعار جدًا معقولة أتمنى ماتتغير ‎ملاحظتي:الجوء فوق مكتوم أتمنى تشغلون التكيف. وفي النهاية أتمنى لكم كل التوفيق والسداد❤️❤️.

M. S.

ماشاء الله تبارك الرحمن من افضل محلات البيكري جودة وتنوع الله يبارك لصاحبة يستاهل 7 نجوم واشكر المحاسب الأخ أحمد

S. A.

جميل جداً كل شي عندهم فرش ولذيذ

M. A. N. A. R.

لُب عبارة عن مخبز والقهوة المتوفره عنده قهوة اليوم ( ممتازه ) الطلبات فرنش توست لذيييذ ( محشي ) مِلفيه حلوه أفضل مِلفيه ذقتها بابها يعيب المكان فقط الجلسات غير مريحة ولا عملية ابدًا المكان انيق وجميل بس ماينفع للجلسه زرتهم مره ثانيه والصدق زاد الحُب والاعجاب بالاصناف طلبت الفوكاتشيا لذيييذه وطريه مره كرواسون البيكان لذيذ فرنش توست لذيذ سبق جربته وبرجع بكل مره اطلبه الدانش حليو بس ما ارجع اطلبه

A. A.

اول مره وان شاءالله تتكرر قهوة اليوم طِعيمه عندهم 🤤❤️‍🔥❤️‍🔥

S.

المكان جميل والأميز بدون أغاني جربت دانيش المانقا 10/9 وفرينش توست برضو 10/9 صغير شوي بس حلو ومافيه اي زفره القهوه عادية لان ماعندهم الا قهوة اليوم تقريبا بس بسعرها تعتبر حلو الديكور يبي له تعديل وبالتوفيق لهم

R. A.

الكوفي جمييييل جداً والمخبوزات لذيذه بشكل مو عادي عجبني كورسان البيكان يجننن الفرنش توست لذيذ مره مره حبيت اهتمامهم وحرصهم ان كل شي يكون بيرفكت الحقيقه زيارتي لهم ماراح تكون الاخيره واتمنى تكون الاسعار زي ماهي ماتتغير لأن الجوده مع الاسعارالافضل في ابها

ص. ا.

كوفي جمييييل ديكوراته حلوه وكل مخبوزاتهم تهبل المكان صغير بالمره ولكنهم مجتهدين تشيز كيك جنااااان والفرنش توست بالقشطه روووووعه اجمل حلوياتهم الكروسان رول حلو قهوه سودا مظبوطه أجمل بيكيري في المنطقه واشكرهم لإحترام ذوق العامه وعدم تشغيل الموسيقى دخلت كل الاماكن في نفس الاسكوير حاطين موسيقى مزعجه ولكن هدا البيكيري محترم وهااادي

ا. خ. ا.

مخبز فريد من نوعه في المنطقة صراحة مخبوزات روعة ذوق خيالي في الطعم والشكل والديكور جميل جدا يوجد جلسات خارجية راقية يوجد جلسات علوية روعة متوفر قهوة اليوم انصح بالزيارة بشدة 👍🏼👍🏼

ج.

المكان مكتوم و ألوانه و ديكوراته تزيد الكتمة أحب الخشبيات بس مع ضيق المكان و قرب الجلسات من بعض طالعة غلط و جيت الصباح و كان الموظف مشغل صوت مسلسل بأعلى صوت و ما فيه دورة مياه عجبتني قهوة اليوم و هي الشيء الوحيد اللي جربته

y. y.

المحل تمام ويستاهل الزياره العاملين ودودين ويساعدون في الاختيارات طلبت فرنش لب قشطه فوكانشا وقهوه بارده وحاره ايس تي الطعم مره حلو القهوه رايقه بالمره المشكله المحل صغير بعض الجلسات غير مريحه يحتاج المحل اهتمام اكثر من اصحابه وبالتوفيق

أ. إ. A.

موعد الزيارة صباحاً ٩ ونص يوم الخميس ٣٠ نوفمبر المعجنااات والمخبوزات ١٠/١٠ بلا منازع عمري ماذقت زيها بحياتي تنافس الكروسونات الاوربيه. ساندوتش التونة بالبيستو و الافوكادو مرتب ٩/١٠ التقييم ناقص عشان جزء من الساندوتش كانت التونه بارده طبق الحلوم ٣/١٠ غير موزون و الصلصه كثيرة يبغاله يتراجع كروسون الفيتا بالبيستو ١٠/١٠ لذذذذذذيذ ١٠/١٠ كروسون ساده خورافي ١٠/١٠ لذذذذذذذيذ ١٠/١٠ اللي يزعل : الطاولات اغلبها عليها كرت محجوز ولا فيه حجز بس عشان لا تجلس عليها 😤 تنقلنا بين ٣ طاولات لين جالوا لنا طاوله صغيره جنب الطاوله الثانيه عشان تكفي الطلبات 🙃 سخافه وسوء تنظيم الطلب بدون مناديل🤦🏽 الدورات بدون مناديل وتحتاج اهتمام الزيارة اكررها اكيد واطلب كل المخبوززززات 😋

d. m.

ما شاءالله تبارك الله أشكر صاحب الكوفي الاخ عبدالله على حسن التعامل و الاخلاق و على جودة المنتجات من أفضل أنواع المعجنات و الحلى في مدينة أبها و قهوة اليوم لذيذة جدًا نوع القهوة اثيوبي والأسعار في المتناول كان الطلب فرنش توست و ام علي و من قبل طلبنا حلى و كان لذيذ أتمنى لهم التوفيق والاستمرار إلى الأفضل

ا. ا.

جيته اليوم الوطني وكانت اجمل صدفه القهوه لذييييذه والمخبوزات فوق الخيال اول مره كوفي يكون مبدع وكاامل بالمشروبات والمخبوزات جربت اكثر الاصناف وكانت لذيذه الله يبارك لصاحبه واتمنئ الاستمرار في الابداع ونفس المستوئ والطعم الخياااااااالي بالتوفيق .....

‪. (.

جربت عندهم الفرنش توست كان لذيذ والقهوة حلوه بس مشكلت الجلسات قليله مره

R. A.

مكان لطيف، مخبوزات وحلويات متنوعة، المشروبات متوفر شاي وقهوة اليوم، والقهوة كانت لذييذه.

R. R.

هذا من افضل الاماكن اللي زرتها مؤخراً في ابها ! حقيقي شي جميل للغايه التعامل والخدمه اعجبني عندهم مو خدمة ذاتيه الطلب يجيك الين الطاوله المكان رايق وتعامل الموظفين رائع طلبت من عندهم قهوة اليوم وصدمني الكرم في الحجم الكوب كبير جدًا وسعرها ممتاز لا يفوتكم فرنش توست القشطه لذيذ وفرش والبكجينج متعوب عليه 🫶🏻! ياليت بس لو يعدلون الاضاءه في الدور الاعلى جداً خفيفه اكرر الزيارة

I. S.

المخبوزات جميلة جدا من افضل مقاهي المنطقة حاليا الديكور هادي وحلو الخدمة سريعة اتمنى لهم التوفيق

A. A.

أفضل شيء في ابها حاليًا من ناحية جودة واسعار وتعامل عقبال ما يتطور ويتوسع المكان ويصير أفضل اكرر الزيارة للمره العشرين بالتوفيق

د.

من اللّذ المخبوزات في أبها المكان جميل و هادئ ، و مخبوزاتهم جداً لذيذه.

J.

البيكري خرافه كل نوع اطعم من الثاني والقهوه👌 اليوم مريتهم وطلبت ونسيت اضيف قهوه زياده ، الموظف نبيل عطاني وحده مجاناً ، لطف التعامل يخليني ارجع مره ومرتين وثلاثة .استمروا بالتوفيق يارب 💓

S.

ما شاءالله الاستقبال والكاشيرا اللي موجود محترم مره وشغل احترافي والقهوه لذيذه الفرنش كان من اختيار الكاشيرا ولذيذ وماندمت صراحه بكرر الزياره

B. A.

رووعه يستحق الزياره جيته ع مدح صديقتي لصواني الحلا و طلع كل شي لذيذ و المخبوزات عالميه لي زياره ثانيه اكيد

N.

تعليقي فقط على فرعكم في سمار العمارية (الرياض) الاجواء جميلة وروعة .. لكن الجودة ضعيفة والسعر مرتفع الاسبريسو قوامه سيء ويقدم بأكواب ورق كبيرة خاصة باللاتيه والبلاك كوفي والمفروض تكون الاكواب سيراميك

ع. ا.

محل ممتاز استكنان وهدوئ والمخبوزات طيبه جدآ وأشكر الكاشير أحمد على تعامله الراقي

A. Y.

حلوياتهم مميزه وحلوة وكمياتها كبيره والباكجينق حلو مره ومرتب

L.

اجمل مكان في الاسكوير ..القهوة والمخبوزات لذيذه والديكور والاجواءسواء الداخليه او الخارجيه تاخذ العقل ولفت نظري البكجنج مرره مرتب ..شي متعوب عليه يستحق عشره نجوم

A.

طلبت ويل مانجو شي خرافي لذيذ بشكل لا يوصف شي من الاخر واشكر الاخ احمد على حسن استقباله وابتسامته اللطيفة وعلى حسن خدمته انصح الجميع بتجربة المانجو وصدقوني م راح تندمون المكان هادي وجميل . 🌹🌹

a. a.

طلبت كرواسون سادة وتارت ليمون 🍋 لذيذة جداً وأجواء المكان رائعة بالتوفيق

Y.

الصراحة مكان يستحق الزيارة الحلا عندهم غير والاسعار جدا مناسبه قهوة اليوم ب 10 ريال والحلا ب 16 يستاهل

س. ا.

المكان جدا جميل وهادي أنا احب الأماكن الهاديه طلبت قهوة اليوم وكركديه أنصكم المكان جدا راقي وجميل 🥰🥰

B.

طلبنا كان تارت بيكان ٥/١٠ تشيز كيك ٦/١٠ فرنش توست ٦/١٠ قهوة سوداء ٨/١٠ الطاولات غريبة صراحة

M.

جميييل المكان ومخبوزات متنوعه جربنا تارت البيكان لذيييذ جدا 😋 وقهوة اليوم حلوه واكرر الزياره اكيد 😍

م.

أعجز عن وصف المكان ديكور جميل جداً ، ومخبوزات اكثر من رائعه فعلاً لذيذ ، وما انسى تعامل الموظفين كل شي مثالي 🤍

B. A.

تقييمي ١٠ /١٠ مخبوزاتهم ولاغلطه لذيييذه وقهوة اليوم ممتازه والاسعار حلوه وان شاءلله زبونه دائمه لهم 💕

A. G.

جميل ورائع ..وابتسامة الكاشير زادت جماله ..مخبوزات هشة ولذيذة .القهوة الإثيوبية موزونة .كيكة الليمون رائعة

ا. ا.

المكان هادي وحلو مرره الاماكن الهاديه ومريحه صارت نادر الديكور مرره هادي متعوب عليه اخذت من عندهم لب فرنش لب بالقشطه لذذذذيذ قليل بحقه وتارت البيكان حلو بس بارده وهي ساخنه الذ اخذت كمان بان جبن وزعتر لذيذه فيها حموضه حلوووه

M.

تعال وانت مغمض بالمختصر لا تنسى تطلب فرينش توست بالقشطة خبزة الفوكاشيا عجيبة 🤤 مع العلم ان جميع مخبوزاتهم لذيذة جداً * قهوة اليوم ممتازة 👌🏼 يوجد جلسات خارجية وداخلية

F. J.

مميز، أسعاره مناسبة، وخدمتهم جيدة

ا. ع.

مخبوزاتهم و القهوة لذيذه 👌🏽 شكرا للاخ عبدالمحسن على التعامل و الخدمه 👍🏽👍🏽

M. A.

المخبوزات جميلة ومينيو المشروبات محدد قهوه وشاي فقط. جلسات بالدور الثاني محدوده ولكن مناسبه لطبيعة المكان والاسعار مقبوله.

s.

كرواسون 🥐 عندهم لذيذ 🤤 مررره يستاهل التجربه الله يبارك الاسعار مناسبه للجوده 👌🏻👌🏻👌🏻🔥🔥🔥

Y.

المخبز جميل يقدم المخبوزات الطازجة جربت قهوة اليوم 10/09 تارت البيكان 10/09 فرنش توست 10/08

W.

المكان جميل وفكرة ديكور الخشب مميزه كان الطلب قهوة اليوم لذيذه وثقيله كروسون اللوز فرنش توست بالقشطة ورح اكرر الزياره بأذن الله

R.

طلبت دانيش فراوله لذيذه 💘 والمكان حلو جدا

S. A. F.

المخبوزات لذيذه بالذات فرانش لب لذيذه مرهه الديكور الدور الاول يجنن اما الجلسات فوق مو حلوه يمكن لو الارضيه تكون بيضاء بيكون افضل الشاهي م حبيت انه في كوب قزاز بدون مسكه لان صعب تمسكه من الحرارة موظف الكاشير تعامله محترم وفاهم 👍

A. M.

مخبز مع نوع قهوة واحده كرواسون باللوز لذيذ فطيرة ايطاليةبالجبن لابأس لا اعتقد اكررها

م. ع.

جميل و كل شي فيه كويس لكن الجلسات غير مريحه للجلوس

P. A.

من أجمل المخبوزات الموجوده عندنا بالمنطقة و كل قطعة حلا عندهم قطعة فنية و جودة و طعم لأن بعض الأماكن تهتم للشكل بدون أي ذوق ، هذا بالنسبة لجميع أنواع المخبوزات عندهم تقريبا أنا جربت أغلبها .. المكان رايق و جميل و الموظفين فيه ذوق و أدب و خدمة ممتازة بس عندي ملاحظة بسيطة اتمنى انه تاخذوها بعين الاعتبار لأن جد حرام يروح تعب كل شي كذا بالنسبة للديكور اللي فوق لون البوية مزعج مع درجة الاضاءة و الجلسات غير مريحة أبداً والاضاءة الاضاااااءة جدا جدا سيئة و غير مريحة للعين و تعكس ع النفسية خصوصا لو كان أحد دايم يتردد عليكم بشكل دوري عشان يذاكر او يكمل شغله بصراحة مرا غير مناسب لكوفي راقي و رائع زي كذا تقبلوا مني الرأي و المعذرة النجمة الأخيرة م بحطها عشان الملاحظات اللي قلتها ..شاكرة لكم و يارب يتم مستوى الجودة عندكم كذا و يصير للأعلى كمان ،بالتوفيق …

M. h.

مكان حلو و مخبوزات لذيذة كمان الأسعار معقولة👍🏻

س. ا.

مكان جميل وقهوة جميل العيب الوحيد وهو عادي ضيق المكان

و. ا.

مكان جميل و كروسون اللوز لذيذ عندهم

-.

الذ بيكري في ابها والخميس اشكرهم على اهتمامهم في جميع الاصناف جربت اغلب المنيو وكلهااا لذيذذذه وفريش انصح بتجربة فرينش توست القشطه لذيذ

م. ا.

كفي جميل واشكر احمد على اخلاقه العاليه

م. س.

قهوتهم لذيذه 🔥♥️

N. A.

اعجبتني المخبوزات الفطور مرا لذيذ

s. a.

الفرانش توست يجننن لذيذذ مره لايفوتكم محشي قشطه

A. A.

المكان والبيكري عنده خيال وبرضوا الحلا عنده حلو

W. A.

رائعيييين جداً ، في واحد كتكوت دبدوب شوي كان موجود بشفت المساء تسويقه راااائع اهنيه ، وكل الستف ماشاءالله عليهم والاكل لذيييييذ خصوصًا فرنش توست

م. ا.

جميل مع انه ضغير لاكن خدمه ولا اروع 🤍🤍

z. q.

فخورة بهذي المخبوزات عندنا أشكركم من قلبي - قهوتهم تجنن اخيراً قهوة بدون حموضه أدور دايم قهوة ستاندرد مافيها حموضه ولقيتها عندهم 🤩 أهنيكم على المخبوزات برغم اعتراضي ان بعض كراسي المقهى غير مريحة كثير وشكرا أجواءكم لطيفة نوعاً ما

S. o. -.

انا جربت البيكري في سمار الرياض وعجبني جدا جدا وبحثت عن الفرع الرئيسي ابي ازوره مره ثانية وللأسف صار بعيد عني في أبها ): اتمنى يفتحون في الرياض لان كل شي لذيذ هذا غير تعامل الستاف فوق التقييم ماشاءالله

A. M.

محل يناسب اوقات الفطور و العصريات عندهم قهوة بلاك بن اثيوبي 🤍 يأسفني اني لم اصور اصنافهم الرائعة لديهم مخبوزات شهية وقع اختياري على تشيز الكيك بالتوت 🫐 و كان لذيذ و السعر مميز ب ٢١ ريال 💗 المحاسب في قمة الأخلاق و اكرمنا بهدية صغيرة كيكة ليمون لذيذة 🍋 سوف اكرر التجربة ✨

R.

من افضل المخبوزات الللي ذقتها وكررت الزياره فوق الثلاث مرات وكل مره اجرب شي ويطلع الذ الذذذذ شي جربته تارت البيكان خياااال ولي رجعة اجرب الفرنش توست صدق كل شي يمممي والباكجنق خيااال واللي يشتغل مادري هل هو صاحب المحل او فقط كاشير لكن اخلااق جدا وتحمل كثر الاسأله اتمنى اشوف لهالبيكري فروع بكل مكان الله يرزقكم يارب ❤️

B. S.

رووووعه مخبوزاتهم لذيذه والفرنسية توست فضيع والتعامل ايضا حلو انا اخذت منهم مرتين او ثلاث بس سفري

L. A.

قهوتهم من الذ القهاوي اللي ذقتها لذيييذة

م. م.

أشكر صاحب المحل على التعامل الطيب والاستقبال الطيب وتجربتي فيه جميلة انصح بتجربة الحلى ام علي والكروسان لوز وفرنش توست بالقشطة ♥️♥️♥️

ز. ل.

المكان جداً جميل وجلساته الخارجية رواااقان قهوتهم تجنن الحلا كل شي اعطيه 10/10

A.

لذيذ جدا من افضل البيكري اللي بابها والموظفين قمه في الرقي مو اخر زياره سعر وجودة 👍🏻♥️

B. M. N. A.

من افضل البيكري في المنطقة جميل جدًا ديكورات راقية و هادية المنتجات جودتها عالية و من الافضل في المنطقة -كرواسون البيبكان -كرواسون اللوز -فوكاتشيا -قهوة اليوم كلها فوق التقييم وانصح فيه بشدة

r. A.

خيااالي جربت انواع كثيره وكل نوع افضل من الثاني وافضل شي كروسون اللوز فعلاً لذيييذ!🤩 الله يبارك لهم

N. S.

ممتاز أنيق ولذيذ ..الفرنش توست لامثيل له بالتوفيق

D.

مقهى صغير ، الموظفين لطيفين ، المخبوزات لذيذة ، يستحق التجربة

A. A.

لقد جربت الخبز المحمص الفرنسي وكرواسون اللوز مع القهوة المثلجة في ذلك اليوم الخبز المحمص الفرنسي كان من ألذ وألذ أنواع الخبز الفرنسي في أبها، قطعه مثل الزبدة وهذا ليس مبالغة. يتمتع كرواسون اللوز بأفضل نسبة من العجين إلى الحشوة مع مذاق حلو. كانت قهوة اليوم جيدة جدًا مقارنة بالمقاهي المتخصصة الأخرى. جو رائع ومنطقة الإعداد. 5/5

Y. A.

فرنش توست بالقشطه ولا غلطه 👍🏻

P. A.

متجر مخبز لوب ما شاء الله جيد

K. m.

يجب أن تتذوق اللمسة الفرنسية الرائعة في هذا المكان ... لذيذ جدًا 😋😋😋استمر في التشجيع👍👍

ر. م.

ع. ا.

حبه حب حب لفة الكرواسون

م. ا. ح.

اختبار اللغة الفرنسية لليوفوزيز

اتصل بنا