تقييمات عيادة الامل المشرق البيطرية. (مستشفى) - الرياض (منطقة الرياض).

عيادة الامل المشرق البيطرية

877 تقييمات العملاء

91 تعليقات المستخدمين

مستشفى

طبيب بيطري

مستشفى بيطري

عيادة متخصصة

8898 العليا ، الرياض 2695 12214 ، السعودية، الرياض 12214

معلومات إضافية

معلومات عن عيادة الامل المشرق البيطرية (مستشفى - الرياض, منطقة الرياض)

تحقق من تفاصيل المكان، ساعات العمل، أوقات الازدحام، معلومات الاتصال، الصور والتقييمات الحقيقية من المستخدمين.

هذا المكان لديه تقييمات ممتازة ويظهر خدمة عملاء رائعة. موصى به بشدة!

الخريطة

ساعات عمل عيادة الامل المشرق البيطرية

أوقات الازدحام

الاثنين

الثلاثاء

الأربعاء

الخميس

الجمعة

السبت

الأحد

تقييمات عيادة الامل المشرق البيطرية

A. A.

الدكتور عبدالمعين اتعب وانا اقول ممتاز وصراحة ماحس ممكن اجرب غيره جدا بشوش ويشرح ولطيف مع الحيوان انا في مرا كلبتي صارت ترجع دم والله العظيم رحت برسعه عند الدكتور وعطاها ابر لمدة ثلاث ايام ورا بعض مع كم دوى في البيت وطابت! وتخيلو لمن اجيه المراجاعات العاديه هو ذكرني اخذلها مقوي مناعه عشان مانرجع تتعب مع تغير الاجواء لو نقول ان الرجال مادي وكذاب ليه يذكرني ؟ ماهو بيكسب لو تعبت ترى! بس صراحه الله يسعده ويوفقه

D. A.

أول زيارة لحالة طارئة لقطتي ، انفجرت وحدة من عيونها وحجزت موعد مع د.عبدالمعين - دكتور فاهم ويعطيك كل الخيارات المتاحة والأفضل لقطتك.. ما قصر معي الله يعطيه العافية واستئصل العين بطلب مني ' الاسعار مقارنة بالخدمة والجودة ونظافة المكان أشوفها مناسبة جدًا وبالعكس أرخص من عيادات كثير ؛ توفر منتجات متعددة للقطط والكلاب وبأسعار جدًا ممتازة 👍🏻 بإذن الله بصير اتعامل معاهم دايم وابي اجرب الحلاقة والتحميم . حابة اعلق على السستم تبعهم انه بطل وحتى العمليات بس تخلص يجيك رسالة نصية مع الصور والنتايج ، حاجة روعة استمروا 🤲🏻

M. M.

من انظف وارتب العيادات ، سويت لقطتي ( لوزة ) عملية تعقيم .. كان متعاون وخلوق الدكتور عبدالمعين واعطى بنتي طوق هدية .. وحتى بعد العملية إلى أليوم أتواصل معاه واتس آب استفسر ويرد علي يطمّني .. شاكره له تعاونه ورقيه ✨

M. A.

توفيق من الله ثم نصيحة قريبتي رحت لهم الحمدلله الجميع أخلاق عالية من الأطباء وموظفين الاستقبال وحتى اللي يهتمون بنظافة القطط المكان شامل عيادة بيطرية ومتوفره احتياجات الحيوانات الأخرى من اكل وغيره طعمت قطي وعقمته وحتى لما يتعب أروح لهم يشخصونه بدون مبالغة وأسعارهم متوسطة وحريصين جدًا على صحة أليفك ونظافة المكان ينصحونك بكل صدق حتى اذا كانت الادوية عندهم غالية شوي ممكن ينصحونك بأدوية من برا بسعر اقل وبنفس المفعول فأنا ما اشوفهم ماديين مثل ما قرأت ابد اغلب مراجعات قطي عند الدكتور عبد المعين ومره وحده عند الدكتوره امل الشاطر وكلهم كانوا لطيفين ومهتمين بصحة القط وعلى معرفة تامه باللي قاعدين يسوونه بإذن الله بستمر في تطعيمات قطي الدوريه معهم هالوقت يالله تلقى مكان مثل كذا شامل لكل احتياجات اليفك بأحترافية عالية بالنهاية شكرًا جزيلًا لكل موظفين العيادة على حسن تعاملهم ورقي أخلاقهم

T. ..

احب ذي العيادة واني اطق لها مشوار وزبونتهم من كم سنه واحب ملاكها والله انهم يستاهلون كل خير علم وذرابة وتعامل حسن وفاهمين لكل شيء الله يزديهم ي رب♥️🙏🏻

M. S.

أنصح اللي يبغى يسوي لقطه إخصاء بهذي العيادة ✨ اعطيتهم قطي صايم من ١٠ ساعات عن الاكل والشرب خدروه وانتظروا شويه لحد ما يتخدر كامل بعدها سوا له العملية ما اخذت ٧ دقايق انا انتظرت وشفت العملية بعدها رجعت البيت خليت قطي عندهم لحد ما يصحى من التخدير تقريباً بعد ٦ ساعات رجعت لقيته شبة صاحي اول يوم ماكان يمشي زين بس من بكره الحمدلله ياكل ويشرب ويتحرك وصحتة ممتازة بعدها بيومين كلمتهم وصورت لهم مكان العملية وطمنوني وبعد ١٠ ايام صورتها وبرضوا تجاوبوا معاي الحمدلله ، اكتب المراجعة بعد مرور ٢٠ يوم نصيحه للي يبغى يخصي قطه اخصيه بهذي العيادة وانت مرتاح والله ماندمت ابداً اني اخترتها الإيجابيات : متجاوبين وفاهمين وانسانيين سلسين السلبيات : السعر صراحه شوي غالي عملية الاخصاء ٣٠٠ ريال + الضريبة عالعملية + الكشفية ٧٥ + الضريبة عالكشفية ، صح ان الشغل يستاهل بس الكشفية غالية تعليمات : ١- القط يكون صايم قبل العملية على الاقل ب ٧ ساعات ٢- قطي اعطيته اكل وماء بعد ما قام من التخدير ب ١٢ ساعة ٣- اول الايام انتبهوا للقط لا يلحس مكان العملية اهني واشكر الدكتور على خفة يده وامانته بالتوفيق 🙏🏻💙

G.

من اجمل وافضل العيادات اللي رحت لها رحت اعقم قطي وكنت مره خايفة اول مادخلت للدكتور وشرح لي تطمنت جدًا يفتحون ملف للقط ويقولك عن نوع القطط ولو ممكن تجيه امراض وراثية ومن هذا الكلام اول مايخش القط توصل رسالة انه دخل للعملية واذا طلع توصل رسالة انه طلع جدًا جدًا بروفشنال وانبسطت اني رحت لهم مره ارتحت لكن لو بس يسوون تخفيض للاسعار لاني ناوية اودي قططي كلهم عندهم بس مكلف الموضوع ههههههه لكن اقيم التجربة عشرة على عشرة كل شي كان ممتاز والتعقيم قدام عيوني اشوف حرصهم عليه والحمدلله اني رحت لهم 🤍

ع. ا.

انا عندهم من زمان من يوم كان الدكتور عبدالمعين بالعياده القديمه .. دكتور على مستوى من الخبره والرقي ، التعامل اللطيف ويحب يطمن ويعطي تعليمات لها فائده كبيره لصحة الأليف .. العياده نظيفه مرا ومتكامل الغذاء المناسب الصحي للاليف.. شكراً دكتور عبدالمعين ولزملائك الموقرين ..

S. A.

من أفضل العيادات البيطرية فالرياض نظافة، أمانة وخبرة عالية

V. V.

الدكتور الي اثق فيه وتشخيصه دكتور عبدالمعين انصح حتى الي حولي اقول لاتضيعون فلوسكم على العيادات الي حابه تختصر وقت وتوفر فلوس تكشف عندة الدكتور الوحيد الي مايطلب تحليل الاوقت مايشوف الحاله تستدعي اما اغلب العيادت تشخيص غلط ونهب فلوس وللأسف مانطلع بنتيجة

G.

كان لي تجربة قديمة ناجحة مع عبدالمعين في علاج كيتن بلدي مُنقَذ والآن رجعت أقرأ التعليقات لأني بأرجع أعالج قطة ثانية عنده . لكن انصدمت جداً من مستوى ردّهم على العملاء، يحتاجون لتطوير كبير في هذا الجانب . ويارب تجربتي الجديدة تكون ناجحة وتتعافى قطتنا 😔 —————————————————————————— تحديث لمراجعة جديد: الإجراء الجديد كان تعقيم قطّ ذكر ، والحمدلله حتى الآن وضعه جيّد ومازال في مرحلة التعافي🥹♥️

A. S.

من افضل العيادات بالرياض سويت تعقيم انثى الجرح اختفى والشفاء سريع وعمليتين تعقيم ذكور شفاء سريع كلهم بس كانوا دايخين بعد البنج وهذا طبيعي ولا حصل اي شي لهم سواء من انتكاس او التهاب الدكتور شاطر جدا عمل عملية تركيب سيخ معدني وشريحة للورك الخلفي لقط كان حاصل له كسر مضاعف والسعر كان مناسب نظرا لتعقيد العملية انصح فيهم جدا للعمليات والcheck up

A. E.

عيادة ممتازة واهتمام بالحيوانات ونظافة وعلاج وأسعار في المتناول .. شكرا د.عبد المعين علي التعامل الراقي واتمنى لكم التوفيق

A.

أفضل عيادة والدكتور عبدالمعين أفضل دكتور بالرياض كلها، قطتي فجأة صارت تعرج بعدين صارت تسحب رجلها وآخر شي ماتمشي ابداً ولا تقدر تروح لليتر بوكس وانتم بكرامة ولا تاكل ولاا شي كل هذا حصل بيوم واحد بس! رحت لتقريباً 5 عيادات مختلفة ومشهوورة كل عيادة قالوا سبب اللي قال عملية واللي طلب تحاليل كثيرة وووو... رحت للدكتور عبدالمعين وكان متفهم لحالتي النفسية🥹 عمل لها أشعة بس واعطاني الصور لو بغيت اعرضها على دكاترة ثانين، قال لي انها ممكن تعرضت لضربة والعصب متأثر ولا له علاج غير الفيتامينات ومضاد ولا أحد يقول لك غير كذا، مشيت على كلامه والحمممدلله اسبوعين بس وقطتي تحسنت بنسبة 90٪؜! وكل يوم احسن من اللي قبله، مع العلم انه قال لي يمكن العلاج يفيد ويمكن لا لأن العصبب متضرر كثير ولا فيه حل الا نقويه بالفيتامينات والعلاج الطبيعي لمدة شهر إلى 3 شهور! الحين باسبوعين الحمدلله التحسن كبيييير جداً جداً الله يسعده ويفتحها بوجهه ياارب وبالمراجعة الثانية رحت لاخوه وكان نفس الشي خلوق وباله طويل وتحمل أسئلتي الكثييييرة وساعدنا كثير

N.

كل الشكر لدكتور عبدالمعين ماقصر معي كان عندي تخوف من عملية التعقيم لكن الدكتور شرح لي وطمني وسويت عملية التعقيم لقطوتي وتنظيف اسنان ماشاء الله كانت العمليه سريعه وممتازة والدكتور شاطر ومحترف👍الدكتور عطاني التعليمات بشكل واضح ومفصل وبعد العملية يرسلون لكم رابط فيه تعليمات العناية بعد عملية التعقيم صراحه العياده نظيفة وممتازة ومتطورة فيها نظام يكون ملف الكتروني للقط وفيه كل البيانات والفحوصات والتحاليل اشوف هالشي متقدم وجداً ممتاز حتى تعاملهم مع قطوتي كان كويس ولطيف🤍 انصحكم بالعيادة جداً ممتازة من جميع النواحي وان شاء الله بيكون تعاملي معاهم بشكل دائم اذا تحبون اليفكم اختارو له العياده الصح👍

S.

جيتهم قبل يومين لاول مره ، الصراحة العياده ممتازه لاخر درجه ونظيفه ، ما اعرف اسم الدكتور الي كشف على قططي لكنه كان محترم جدا وبشوش وطمني على قططي وكشف عليهم واعطاني العلاج المناسب واستمع لاسئلتي وجاوب عليهم وشرح لي عن كل شي الله يجزاه خير والحين الحمد لله لاحظت تحسن على قططي يوم جبت قطتي كانت خملانه مره واعتقدت انه فيروس لكنه قال لي مو فيروس وعلمني السبب وفعلا كان كلامه صحيح 🤍 حقت الاستقبال ما اعرف اسمها الصراحة لكنها كانت لطيفه ومحترمه ايضا🤍 المشكلة الوحيده هي الاسعار الصراحة مرتفعه بالنسبه لي فاتمنى لو تخفضونها لان اغلب المربين طلاب فصعب عليهم دفع المبالغ هذي بالذات لو كان محد يساعدهم بالمصاريف 😔💔

S. S.

انا اراجعهم في 4 قطط مختلفة الاعمار ، تعاملهم رائع جددددا اغلب مراجعاتي عند د عبدالمعين و كمان د عبدالحكيم اتعامل مع د عبدالمعين من كان فرعهم على طريق العروبة تشخيصهم ممتازززززززز صحيح بعض اسعار خدماتهم حاليا مرتفعه نسبيا لكن ما يشخصون اعتباطياً يعني لو كان الوضع ما يستدعي ادويه او اشعه او خلافه بيقولك ما يحتاج و الموظفون محترمين و تعاملهم رائع على سبيل المثال سبق و دفعت عن عيادة x مبلغ اشعه و ادويه و و و .. على قط عمره 8 اشهر (اكل قطعة مطاط و استفرغه و بعدها تعب) وما تحسنت حالة قطي خلال 4 ايام و كان لا ياكل و لا يشرب و منهك و تعبت نفسيتي 🥹 ، رجعت للعيادة x و بغوا يدفعوني مبلغ و قدره على تشخيص اخر و لما جيت عندهم منهارة قالو ما يحتاج عطاه نوعين ادوية كورس اسبوع بتكلفه اقل بكثير من العيادة x و خلال 3 ايام صحصح و رجع طبيعي و في تجربة اخرى جيتهم بقطي عمره 4 سنوات تعبان و منهك و يستفرغ و انعزل من التعب و العياده x حرفيا ما عرفوا تشخيصه و جيتهم هنا و سووا تحليل معين صحيح مكلف لكن في ساعه طلعت النتيجة و صرف له علاج معين و القط خلال يومين و اموره تمام و في مثال حي عندي قط صعب المراس (خواف) و ما فيه عيادة تقدر تعطيه دواء او ابره لازم يبهدلني انا و موظفي العيادة 😅 مع د عبدالمعين قلت له انتبه منه لو بتقدر تعطيه الدواء بنهار 😅 و فعلا في 10 ثواني خلص منه و قال انهاري 🥹 و تجارب مختلفه و كثيرة لقططي معهم لكن حكيت بعض مما لدي . الخلاصه الخدمة مكلفة نسبيا لكن السعر مقابل الثقه و صحة صغارك 🐾 و فعلا أئتمنهم في تشخيصهم لقططي و اتمنى يحافظون على نفس المستوى .

M. A.

من اروع العيادات وانظفهم فعلا خدمه ممتازه واسعاااار جدا رائعه وخصوصا الدكتور عبدالنعيم جدا ممتاز وحقيقة يشكر تعامل مع قطتي بكل احترافيه وشخصها تشخيص صحيح الله يبارك له بعلمه خلاص انا اعتمدت هاذي العياده للابد ❤️

E. A.

الدكتور عبدالمعين أمين ومو استغلالي زي بعض العيادات اللي جربتهم، طبيب فاهم ويحب الحيوانات والعيادة نظيفة وفيها خيارات اكل كثيرة

m.

بالعاده كل مراجعاتي مع د. عبدالمعين جزاه الله خير ولكن هالمره عالجت قطتي عند د. سيف جداً شاطر وفاهم بشغله ماشاء الله ، سلاسه بالحكي ويشرح لك المشكله بوضوح ويوصف طريقة العلاج بدقه ايضاً هذا غير انو حنون مع القطه كثير ، نقصت نجمه عشان الاسعار جداً مهلكه ومكلفه ولا العياده ماعليها كلام من كل النواحي اجمل عياده في الرياض ❤️.

S.

العياده ممتازه الاطباء والموظفين جداً متعاونين 🤍

M.

اول شيء العيادة جدا سلسة خلصت الموعد ماامزح ب٧ دقايق داخلة طالعة وهذا شيء حببني فيهم لان قطي يتوتر للمواعيد وعيادتي المعتمدة لقططي فوق ما انها بعيدة اطول مرة عندهم، الدكتور جدا حنون مع قطي وشخصه على طووووول وفوق كل هذا عطوني مراجعة مجانية للاسبوع القادم🤍 مكان العيادة صغير جدا وانا كنت شايلة هم نظام مااحجز قبل مااجي للcheck up لكن ابد مايحتاج الاسعار مرة مرة معقولة وعجبوني لدرجة افكر اسوي عملية تعقيم قطي الثاني عندهم وهذا انا بس زرتهم مرة وحدة🤍 اللي شاك بنظافة العيادة الخ. يقدر يشيك على انستقرام العيادة شغل الدكتور نظيف وروعة الله يرزقه🤍

R. A.

حرفيا الدكتور ممتاز والله تعامله معي و مع قطتي ( الخوافه جدا ) ممتاز و لا صرخت ولا صرخه و خلصنا بسرعه و رجعت البيت مبسوطه جدا و شرح لي كل شي و الدوا و اشياء ثانيه و واضح انه شاطر و الدكتور معروف بعمليات التعقيم القطط و ان شاء الله راح اجيب قطتي له باذن الله ... سابقا كنت عند دكتوره (د) في عياده اخرى سيئه والله العظيم و تقول لناس امدحوني و اخصم لكم و غير كذا كنت حاجزتها بالاسم و زحلقتني عند واحد ثاني سيء زيها لا امانه و لا ضمير و شايفه نفسها و عقبه خفت اروح ل عيادات بس احتجت و شفت ذي العياده و صدق صدققق ما شاء الله تبارك الله ارتحتتتت معاه و اهم شي قطوتي ما كانت خايفه ابد 😍 زي عند ذيك العياده الثانيه 😵‍💫 شكرا لك دكتور و على اهتمامك و امانتك و الله يعطيك خير و يرزقك ان شاء الله والله فرق تعامل 🤍🤍

L.

أفضل دكتور تعاملت معاه مع قطتي من لما كان عمرها شهرين الى سنتين اللهم لك الحمد ، يده خفيفة جدًا والاهم انه مو مادي ما انسى لما عقمتها عنده قبل سنه الجرح كان نتفه والان قطتي بصحة ممتازة ، مستحيل اروح لدكتور غيره 🙏🏻

J. M.

د. عبد المعين طبيب ممتاز دلني عليه طبيب ثقة لعلاج قط عنده تعفن في اللثة وجير في الأسنان. الدكتور صبور ماشاء الله عليه وتحملني مع إن أسئلتي كثيرة. الله يجزاه خير. والشخص اللي في الاستقبال محترم أيضا. يعيب المكان عدم وجود مواقف كفاية بس اللي عجبني إنهم يعطونك رقم ويقولون لك انتظر في سيارتك لين يجي دورك ويدقون عليك. وحبيت إنهم مايبيعون حيوانات.

N. M.

دكتور عبدالمعين اعرفه من البدايات انسان يخاف الله ويراعيك ويراعي حيوانك بشكل عام جبت له اكثر من مره قطط منقذه ولا خلاني ادفع ولا ريال خذها لوجه الله الله يسعده ويوسع في رزقه انسان جداً محترم ويستاهل المدح والعنوه 🤍🤍

F.

عيادة الأمل المشرق البيطرية من أجمل عيادات الحيوانات الأليفة من جميع النواحي تعامل ونظافة وخبرة وأمانة في التعامل مع الجميع من فترة طويلة أراجع عندهم وبفضل الله ثم فضل الدكتور / عبد المعين عالجت عنده كذا حالة صعبة والحمدلله ربي كتب لهم العافية وعمليات التعقيم عنده روعة وشغله نظيف وممتاز جداً دكتور صادق وأمين وتعامله أكثر من رائع ويعطيك كامل التفاصيل وكل شي يحتاجه حيوانك الأليف في جميع الحالات مصداقية ورقي في التعامل أنصح الجميع بالتعامل معه من أفضل الأطباء البيطريين في الرياض💯👍🏻👍🏻👍🏻 جزاه الله خير الجزاء على كل مايقدمه في سبيل هذي المخلوقات ومتعاون في حالات الإنقاذ دائماً الله يبارك له في العيادة مع خالص تمنياتي له بالتوفيق💓💓💓

k. A.

الحمد لله جزاك الله كل خير دكتور عبدالمعين بفضل الله ثم فضلك الببغاء عندي كان مره تعبان ولا ياكل والحمد لله اليوم تعافى بعد زيارتك لنا الله يكتب اجرك ويبارك لك في رزقك

u. s.

عيادة مره كويسة والدكتور عبدالمعين ممتاز جداً وتعامله راقي وعنده ضمير ويخاف من الله ودايم اخذ قطي عنده أنا وخواتي ولا نفكر نغيره من غير شر ، ونصح فيه وفي العيادة، اهتمام وعناية ومصداقية

r. B.

عيادة راقية ونظيفة وأسعارها معقولة 😍 الأخ الي في الاستقبال منظم ومتعاون والدخول للعيادة بترتيب ويحرص إن الشخص ياخذ دوره 👍🏻 العيادة تتعقم باستمرار 👍🏻 الدكتور عبدالمعين قمة في الأخلاق والصبر والصدق والأمانة إذا الحيوان ما فيه مشكلة راح يقولك بكل صراحة إنه ما يحتاج العلاج بالنسبة لي عندي كنيورين واحد منهم صارله حادث ورحت عيادة غالية ودفعت فيها مبلغ كبير وفي الأخير الدكتور مو فاهم أبدًا في الطيور وقالي إن في مشكلة في المنقار وإنه بياخذ وقت طويل لين يطيب الطير + ما عطاني أي علاج له غير حق الديدان! ويوم رحت عند الدكتور عبدالمعين طلع المنقار ممتاز بس عنده التهاب في الأمعاء والأعصاب يعني مضاد + فيتامين ب حلت المشكلة الي استمرت أسبوعين 🤭 بصراحة صعب تلقى دكتور يفهم في الطيور بس الدكتور عبدالمعين ما شاء الله فاهم وكل ما جيت عنده لقيت العلاج المناسب بالإضافة لأخلاقه العالية ويطمنك ويضحكك والله إني أطلع من عنده وأنا مرتاحة وأدعيله. الله يجزاه خير 🌹

T. Q.

العياده نظيفه مرتبه اسعارها من المتوسط للمرتفع ..موظف الاستقبال لبق متعاون الدكتور ماشاء الله استقبال بشوش ويفهم حاله الحيوان ماطلب مني تحاليل عرف الحاله على طول وفعلا انا قاريه عن المرض قبل مااجي الله يسعده كان بإمكانه يطلب تحاليل وفلوس بس اكتفى بوصف الادويه وشرح طريقتها .. يعيب العياده ضيق مساحتها مافي كراسي انتظار كثير

S. q.

الدكتور عبدالمعين ممتاز ماشاء الله تبارك الله زرته بعد ماتعبت من كذب العيادات ونصبهم علي والدكتور ماقصر معاي الله يجزاه خير يشتغل بإخلاص وذمه الله يسعده جبت له القط ( Black ) واهتم فيه وعالجه وماقصر

A. A.

بقولكم قصتي وكيف عرفت العيادة ومن وقتها ما اتعامل الا مع د.عبدالمعين قطوتي جاها سرطان ثدي وكل العيادات اللي قبل يا شخصوها تشخيص خاطئ او عطوها علاج خاطئ وفيه عيادة كانت تبي تعطيها ابرة رحمة يعني تقتلها لان بنظرها مافيه علاج دورت وبحثت وقتها ولقيت حساب د.عبدالمعين ورحت له وقال صح فيها سرطان ثدي بس فيه علاج وكل شي بيد الله وعطاني العلاج رغم بساطته الا ان القطوة الحمدلله تحسنت وللحينها معي من ٣ سنوات من وقتها وانا ما اخذ قطاوتي واعالجهم الا عنده دكتور فاهم بشغله ومخلص وامين والاهم عنده ذمه وضمير

J. A.

This is the best veterinary clinic I have visited in Riyadh 👍🏻👍🏻. My 5 months old kitten 🐱 was sick and had a chronic diarrhea. I visited other clinics, but they did not know how to treat my kitten!!! Until we visited this clinic. Dr. Abdul Muain is really professional and he treated my kitten very well and gave him the right medicine 👍🏻. He knew what exactly was wrong with my kitten in 5 Minutes!! He is a professional. الى الان هذه افضل عياده بيطريه زرتها في الرياض. دكتور عبدالمعين ماهر جدا في معالجة القطط . والحمدلله عالج قطي الصغير من الاسهال المزمن. العياده ممتازه و نظيفه و فيها منتجات متنوعه للحيوانات .

N. M.

كان الطبيب البيطري واضح من البداية و ماشاء الله على على علم و معرفه لحالة قطتي. اول دكتور يكتشف خطأ طبي من عمليتين كانت من ثلاث سنين!! و انا شفت اكثر من طبيب عشان يحل مشكلة الحساسية و التهاب الجفن من بعد العمليات ولا احد نبهني على الخطأ اللي حاصل. يعطيه العافية و شكرا.

F. M.

أهم شيء بالنسبة لي انو كان عندهم طبيب بيطري للسلاحف والزواحف 🙏🏼 كثير العيادات للقطط والكلاب، نادر ما ألاقي للسلاحف He knew immediately what was wrong with my turtle وعطاني تعليمات مهمة كيف أهتم أكثر بالسلحفاة حقتي He then prescribed me the proper medication and didn’t charge me for it! You can tell the veterinarian cares for animals and knows how to help them. Thanks!

A. A.

اللي يخاف على قططه من التشخيصات الخاطئة لا يروح الا عند د. عبدالمعين. كشف على قطي وطلع عنده فطريات (مع اني قبلها بأسبوع وديته عند عيادة ثانية وكان تشخيص مختلف تماما للاسف وتطورت الحالة💔) وبعدها طبعوا لي ورقة فيها وصف كيف اتعامل مع قطي في هذي الفترة وكيف استخدم الادوية الخاصة بالفطريات. يشكرون على هذي الخدمة عيادة متكاملة ماشاءالله والعاملين فيها أمينين ومايبخلون عليك بالمعلومات🙏🏼.

S. A.

انصح الجميع بعيادة الشفاء العصرية - اصيب قطي بغرغرينا في رجله و للأسف الشديد خسر رجله بسببها و عمل له الدكتور الخلوق عبدالمعين العملية الخاص باستئصال الرجل ولله الحمد الان هو بصحة جيدة وعاد كما كان، الدكتور عبدالمعين كان بقمة الأخلاق و المصداقية وكان عونً لي بعد الله سبحانه في تلك الفترة الصعبة فقد كان متجاوب معي و صبور على اسئلتي الطارئة و التي كانت في اغلب الأحيان خارج وقت عمل العيادة، وايضاً قام بتطعيم القط واعطائه اللقاحات اللازمة ، قطي بفضل الله ثم مساعدة الدكتور عبدالمعين الان هو بأفضل حال. - عمل لأحد اقاربي عملية تعقيم للقط ( ذكر ) ولله الحمد الان القط بأحسن حال .

C.

ماشاء الله دكتور عبدالمعين دكتور شاطر وفاهم جداً بشغله قبل كم يوم عملت تعقيم لقطتي وللامانه شغل نظيف بعكس العيادات الثانيه من اليوم ورايح بعتمد هذي العياده للابد ؛ وصراحه والشي المتميز بالدكتور انو يتطمن ع قطتك وكانها ملك له يعني يحب شغله وعنده امانه 👍🏻

ا. ب.

اشكر الدكتور عبدالمعين على علاجه مع قطتي الصغيره الله يجزيه الف خيرا ويفتح له ابواب الخير والرزق من واسع ابوابه

H. B.

د. عبدالمعين خطيييير .. بسيط .. فاهم .. مجتهد وأسعار العيادة منافسة .. ليت الله يوسع عليهم ويكبروا العيادة لاستقبال أكبر عدد من الزباين ما شاء الله… راجعتهم 3 مرات ودايم عندهم مراجعين

Q. 9.

الدكتور عبدالمعين تجربتنا معه لقطة تعبانة ممتازة الحمدلله فجزاه الله كل خير طبعا الأسعار مرتفعة من أصحاب العيادة والدكتور كريم ويتعاون معكم يكفي إنه يعرف يشخص الحالة صح بدون مايستنزفكم تحاليل وأشعة إذا الحالة واضحة أمامه وماتستدعي وإذا حيوانكم تقدرون تعطونه العلاج بنفسكم بدون إبر وحالته تسمح ينتظر وصول مفعول العلاج بعد فضل الله فالأدوية أوفر لكم من الإبر أما إذا حالته لازم إبر لا تسترخصون على صحة حيوانكم وتتركونه يتألم ويعاني وربي يحفظهم من كل شر ومايحتاجون العيادة إلا لتطعيم فقط

T. A.

عبدالمعين من أفضل الأطباء البيطريين. كان يستوعب ويحتوي خوفي على قططي. تمنيت أني عرفته من زمان. نصيحة، إذا تبي تسوي عملية لقطك أو إذا كان مريض أو في حالة حرجة لا تتعدى هذا الطبيب. شكرا له.

ل. ا.

للامانه دكتور عبدالمعين افضل دكتور عرفته قططي أصابهم طاعون القطط وكل ما كلمت دكتور قالي التهاب وواحد جاني البيت قالي عندهم في المعده شئ بس ما اعرف وش ولما واحد منهم ولما اخذتهم للدكتور عبدالمعين سوالهم تحليل وقالي طاعون القطط واعطاهم ادويه واعطاني التعليمات بالتفصيل ومعاي بالجوال باي وقت ادق عليه او أرسل والحين الحمدلله تشافوا كلهم بفضل الله ثم بفضل هالدكتور الأكثر من رائع والله ادعيله كل ماشفت قططي دكتور عارف شغله زين وتعامله مع الحيوانات لطيف الله يسعده دنيا واخره

R. J.

د.عبدالمعين جيته وانا متأزمة من فطريات قطتي والله سهل علي امور حياتي و عطاني خطوات سهلت علي علاجها الله يسعده دنيا وآخرة أي أحد عنده مشكله مع قطته لا يتعدى هالدكتور فاهم بكل معنى الكلمة

m. a.

د. عبدالمعين افضل بيطري بالرياض بدون منافس، امين جدا ومتعاون وترتاح اذا خليت اليفك عنده.

A. A.

الدكتور عبدالمعين الله يجزاه خير ... دكتورك قمه بالاخلاق وبالتواضع والمصداقيه... زرت افضل العيادات واغلاها ودائما تلقاهم استغلالين الا الدكتور عبدالمعين كان حريص جداعلى شرح الحاله وجميع الاحتمالات والخطة العلاجية كاملة.. دكتور بمعنى الكلمة... عيادة صغيرة ولكن كبيرة بمحتواها الطبي.. استقبلني بأبتسامة وتحيه وودعني بأبتسامه وتحيه شكرا من القلب دكتور عبدالمعين Best Dr. and clinic ... the Dr. very professional , experts , decent and humble down to earth. I visited most of the famous high end clinic put all what they care are how to empty your pocket... the doctor took the time explain to me the root case and all the problems, probability of the medication and treatment. All what i can say .... yes he is a true doctor with great heart.. Thanks a lot Dr. Abdulmueen

H. A.

العيادة المعتمدة عندنا. الدكتور عبدالمعين رائع ويشرح كل شي بطريقة واضحة وسلسة. الأسعار ممتازة مقارنة بالعيادات الثانية. المكان نظيف والاستقبال متعاون. شكراً لكم

G. A.

تعبت فترة مع قطي ما اعرف ايش فيه بالضبط ولا كيف اعالجه، كنت اشوفه يمرض ويموت ببطيء قدامي بدون علاج مع العلم اني وديته لاحسن عيادة -زعما- كل اللي سووه غيروا نوع اكله واخذوا فلوسي فقط. وديته عند د.عبدالمعين على طول عرف اللي معاه والحمدلله مشينا على نظام وعلاجات لمدة شهر تقريبا ورجعت عافيته ⁦🙏🏻⁩♥️⁩

A. N.

افضل عيادة ، بوجود افضل دكتور فيها د.عبدالمعين مبارك الافتتاح ومنها لأعلى. بجد عيادة تليق بك د.عبدالمعين وجزاك الله كل خير عن الأرواح الضعيفه

H. A.

الدكتور مره لطيف مع القطط وما يخلينا نطلع الا معطينا تقرير شامل لكافة النقاط المهمه للعناية بالحيوانات الآليفة ، تكلفته اغلى من بقية العيادات بس اخلاق وذوق ولطف

R. K.

دكتور كلمه رائع قليله فيه ماشاء الله تبارك الله جد انصح الكل يروح له انا بيتي بعيد مره بس لسمعته الطيبه رحت له والحمد لله كان قد السمعه واهل للثقه بشوش ومتجاوب ومتفاهم ويعلمك ويشرح لك حاله الحيوان المريض صراحه جد جزاه الله خير

H. N.

كويس الاسعار افضل من بعض العيادات الاخرى. سويت عنده تعقيم لخمس قطط اناث وذكور وكلهم تعافوا ولا صارلهم اي مشكلة. في بعض الفحوصات مو متوفرة عندهم لكن غير كذا ممتازين .

H. a.

انا كنت زايره بالرياض وأبغى اسوي عملية اخصاء لقطي وخايفه اوديه عند احد مو كويس وبالصدفه حصلت رقم العياده ودقيت عليهم يجون بالبيت وسوو العمليه ما طولت وقطي طلع معافا الحمدلله والدكتور كان معاي لحد ما صار تممام ويعطيني تعلميات لحد ما صار تمام التمام صدق اشكرهم وعندهم ذمه وضمير الله يوفقهم ويفتح لهم ابواب الرزق شكرًا من قلب 💜

S. A.

د/عبدالمعين من افضل واخلص الاطباء البيطريين لما توديله حيوانك ثق بالله ثم فيه لان فعلاً عارف مهنته صح ماعمري سالت احد تعامل معه الا يثني عليه وعلى شغله انا سويت كل عمليات تعقيم واخصاء قططي وكان متابع معي اول باول ولا اذكر استشرته بحاجه الا كان فاهم ومنصح الله يجزاه خير الجزاء ويوفقه في عيادته

م. ب. ش.

من احسن واروع وانظف العيادات البيطريه والدكتور عبدالمعين من امهر اطباء البيطره مخلص في عمله الله يبارك له ويوفقه بصراحه عمري ماشفت دكتور مخلص زيه

E. G.

عقمت قطتي الانثى عنده وشفت العمليه كلها ، تابعت معه عن احوال القطه وصورت له عن حالها وتجاوب معي عبر الواتس اب بالمفترض اني اسويه مع القطه ، اقل مايقال عنده دكتور عبدالمعين هو فعلاً افضل دكتور بيطري شفته ، انصحكم به ١٠٠٪؜٪؜٪؜٪؜٪؜٪؜٪؜٪؜ وانتم مغمضين حرفياً الله يسعده ويريحه مثل ماريحني مع قطتي لان كنت متخوفه وين اعقمها

H. -.

الدكتور عبدالمعين محترم جداً وفاهم شغله زين ويتجاوب معك باستفساراتك وينصحك بالافضل والاستقبال كان اسلوبه جداً جميل وبشوش ، انصح بالعياده 👍🏻

ف. f.

العيادة رائعة تعامل راقي من الدكتور عبدالمعين النبهان مع حالات الانقاذ حيث التعاون بالتكاليف المادية

a. s.

مرة شكرا للعيادة مدري وش اتكلم عنة ماشاءالله عن نظافة المحل والا عن الدكتور المتفهم ماشاءالله شاطر مررة وانشاءالله مو اخر مرة اروح له♥️♥️

A.

قطتنا تعالجت من الطاعون بالتعاون مع دكتور عبدالمعين، متعاون جدا وواضح. بس يحتاج يكبر العيادة لاستيعاب المزيد من الزوار.

A.

شكرًا لدكتور عبدالمعين و جميع القائمين على العيادة .. يكفي ان سمعتهم سابقتهم ماشاء الله 👍🏻

S. K.

مبروك الافتتاح العياده التخصصي ، بنجيك وين ماكنت الأهم الدكتور عبد المعين موجود فيها

S.

الدكتور متعاون وفاهم شغله وبشوش ، كل الشكر🥰

ا. ن.

الطبيب راقي بالتعامل ولكن سعر الكشف اعتبره مرتفع قليلا

R.

عيادة نظيفة، نظام التهوية فيها ممتاز و اسعارها معقولة 👌🏻 خبيرين في معالجة الطيور 🐦

ا. ا. ا.

دكتور ممتاز وملتزم فى فتح العياده ويرد على الجوال مباشر

R.

مره حلوه و نظيفه و مرتبه صح مو كل شي فيها مثل سرير القطط و القفص المتنقل بس مرهه حلوهه

M. V.

من أفضل الأطباء البيطريين بالرياض، قطتي سقطت وصدمت عمودها الفقري، لم تعد قادرة على المشي :(، وكنت أظنها مشلولة، لكن الطبيب أكد لي، عنده خبرة كبيرة وأخبرني بها العمود الفقري ملتهب وهي تحتاج فقط إلى التدليك اليومي والكمادات الساخنة مع قطرات فيتامين أ، وتبدأ في المشي مرة أخرى خلال 3 أسابيع!!. هذه المؤسسة الرائعة وبأسعار معقولة أيضًا؛)

N. R.

ذهبت هنا من أجل قطتي الأليفة / الطبيب المتوفر هنا مفيد للغاية وماهر للغاية، وكنت ممتنًا للخدمة التي قدمها لنا! سأوصي بالتأكيد بهذه العيادة لأصدقائي أو عائلتي

d. i. o.

نوصي بعيادة بيطرية نظيفة جدًا ومعقمة مع طبيب محترف وطاقم عمل ودود. شكرا عيادة برايت هوب البيطرية.

N.

أحب هذه العيادة والطبيب هناك لطيف ولطيف.. لم أجرب خدمة العناية بعد.. ربما في يوم من الأيام..

اتصل بنا