تقييمات شريمبلس. (مطعم مأكولات بحرية) - الرياض (منطقة الرياض).

شريمبلس

4871 تقييمات العملاء

91 تعليقات المستخدمين

مطعم مأكولات بحرية

مطعم مأكولات الكاجوان

طريق الثمامة، الفرعي، 13317 الرياض حي الندى، الرياض

عرض جميع تعليقات المستخدمين

معلومات إضافية الخريطة ساعات العمل تقييمات العملاء اتصل بنا الصور

معلومات إضافية

معلومات عن شريمبلس (مطعم مأكولات بحرية - الرياض, منطقة الرياض)

تحقق من تفاصيل المكان، ساعات العمل، أوقات الازدحام، معلومات الاتصال، الصور والتقييمات الحقيقية من المستخدمين.

هذا المكان لديه تقييمات ممتازة ويظهر خدمة عملاء رائعة. موصى به بشدة!

الخريطة

ساعات عمل شريمبلس

الاثنين

١٢:٠٠م–٣:٠٠ص

الثلاثاء

١٢:٠٠م–٣:٠٠ص

الأربعاء

١٢:٠٠م–٣:٠٠ص

الخميس

١٢:٠٠م–٣:٠٠ص

الجمعة

١٢:٠٠م–٣:٠٠ص

السبت

١٢:٠٠م–٣:٠٠ص

الأحد

١٢:٠٠م–٣:٠٠ص

أوقات الازدحام

الاثنين

12
13
14
15
16
17
18
19
20
21
22
23
0
1
2

الثلاثاء

12
13
14
15
16
17
18
19
20
21
22
23
0
1
2

الأربعاء

12
13
14
15
16
17
18
19
20
21
22
23
0
1
2

الخميس

12
13
14
15
16
17
18
19
20
21
22
23
0
1
2

الجمعة

12
13
14
15
16
17
18
19
20
21
22
23
0
1
2

السبت

12
13
14
15
16
17
18
19
20
21
22
23
0
1
2

الأحد

12
13
14
15
16
17
18
19
20
21
22
23
0
1
2

تقييمات شريمبلس

يهبل مره وحابه اشكر الاخ سلطان مره لبق و فنان بالتعامل والاكل لذيذ جدا ونظيف✨💞

ن. N.

المطعم جاممممد بمى تعنيه الكلمه ثاني مره اطلب من عندهم خلال يومين عالتوالي انصحكم فيه يستاهل كل ريال تدفعه والله يجزاه الجنه على حسن تعامله الموظف السعودي بالليل 😍♥️ ياخي شكراااااا

ا. ي.

مطعم جميل وعروضهم دايماً تفوز وكل الشكر للموظف سلطان على حسن استقباله وخدمته لنا

ً.

بصراحه مطعم جبار و يعتبر ارخص شي من ناحية السعر و الكمية فا انصح فيه و بقوه + اي احد يطلب ياخذ حار بزياده طعمه احسن بكثير و مافيه حراره ابد الي هو ربيان و ان شاء الله يفتحون فروع اكثر

لذيذ اكيد مااايبي لهاا بس غالي شوي روحو اذا صار فيه عروض دايم ينزلون بالانستقرام عروضهم حنا رحنا وقت العرض كل اللي بالصوره بس ب ٩٩..الربيان خذينا الصوص ليمون وكيجن وكان لذيذذذ

ع. ع.

أول مرة أزور المكان أعجبتني خصوصية الجلسات للعوائل جلسات مغلقة وهادئة الطاقم لطيفين وخدمتهم ممتازة طلبت ثمار البحر صغير 89 ريال طبق شريمبلس 89 ريال رول الربيان 23 ريال ديناميت شريمب 17 ريال أرز 9 ريال بطاطس 9 ريال مشروب غازي 5 ريال اغلب الي جربته لذيذ الرز عادي نوعًا ما رول الربيان لذيذة لكن خبزتها عادية

رحت كل فروع شرمبلس ودايم ارجع لهذا الأفضل بسبب الموظف الكفو بندر العنزي محترم و أخلاق و يحمسنا دايم على التجربة

K. T.

الطعم طلبت شرمب لذيذ جداً الاسعار ايضا حلوه خاصتا مع العروض اللي يسوونها كل فترة قسم العوائل كبير ومرتب ويحترم الخصوصية ايضا اشكر الموظف بادل في استقابله الرحب وتقديم المساعدة بجميع الخدمات

م. ا.

اشكرك الاستقبال بندر قمه في الاخلاق وهذي رابع مره اجي الفرع الاكل لذيذ 👍🏻🤍

A. S.

اشكر الاخ بندر العنزي ع تعامله الراقي والدقة في الشغل ماشاءالله تبارك الرحمن وعلى ان الفرع زحمة بس ماشالله تبارك الرحمن الطلب ما تاخر علينا اخذ تقريباً ٧ دقايق كذا 🫶🤍

D. a.

المطعم مقبول نوعا ما جلسات بالدور الأول والثاني + يوجد بارتشن خاص للعوائل بشكل ممتاز *_الأسعار...💵💸 متوسطه مقارنه بالكمية 💹 المنيو متنوع والاصناف كثيره 📜 *الطلبات....🗒️ *_ رز ابيض *_ شوربة روبيان *_ روبيان كيجن توابل تايلنديه *_طبق شريمبلس _ الرز جميل وخفيف والطعم روعه _ الشوربه خفيفه القوام والطعم غريب شوي _ الروبيان الكمية قليله مقارنه بالسعر والخلطه ما أعجبتني كثير فيها طعم غريب _طبق الشريمبلس جميل ومتنوع والطعم رهيب بعض الأوقات يكون في عروض للغداء وبأسعار مناسبه جدا

S. 7.

ممتاز استقبال وتعاون وطعم جميل وعندهم عرض حلو حق شخصين اسمه اوشن

ه. ا.

اليوم زيارتي لفرع طرييق عثمان ، لذيذ مره واسعارهم مره مناسبه وحلوه اشكررر الموظف سلطان ماقصر شغل وسرعه وخدمه رائعه له كل التوفيق

K. A.

للأمانه اشي رهيب و لذيذ مره المطعم نضيف و موضفين راقين جدا في التعامل. انصح الجميع يجرب

ن.

ولا غلطه لذيذ مررررره و اسعاره مناسبه

أ. ر. ا.

ماشاء الله اكل جدا جميل وطازج ونظافة المطعم والمكانوالطاقم محترمين ومتعاونين خصوصا محمد وخالد شباب سعوديين خلوقين

i. A. ت. ب.

شكراً على اللذاذه في التتبيله .. اخذت عرض اليوم الوطني 👍🏼👍🏼 وحسن التعامل وبالاخص الولد اللي اسمه سلطان

الخدمة رائعة جدًا، خاصة من الموظف سلطان العمري كان تعامله راقي ومحترف. شكراً لكم على التجربة الممتازة.

A. A.

أود أن أشكر الموظف سلطان على تعامله الراقي وخدمته المميزة أثناء زيارتي شريمبلس. لقد أظهر احترافية عالية في التعامل، وكانت تجربتي بفضل خدمته أكثر من رائعة. شكرًا لاهتمامكم بتقديم أفضل مستوى من الخدمة لعملائكم.

بذكر لكم تجربتي بالتفصيل لعلها تفيدكم .. في البداية اقولها لك من الحين تحب الاكل البحري رح لهم ولاتشاور .. بالنسبه للاستقبال جدا ممتاز وسريع ومنظم للعلم قسم العوائل بالغالب يكون زحمه على الجلسات فتحجز باسمك لحد مايجيك الدور ... الاسعار ممتاز مقابل الكميه ونوع الطلب يعتبر السعر ممتاز .. تعامل الطاقم الموجود بالمطعم ممتاز جدا ومبتسمين واي استفسار يجاوبونك عليه وتنظيم سريع وخدمه ممتازه .. يوجد قسم عوائل له مدخل خاص وجميع الجلسات لها خصوصيتها (( ولايوجد موسيقى بالمطعم )) ويوجد قسم للشباب خاص بجلسات مكشوفه قائمة الاكل سهله وقليله وحبيت لو انهم اضافو اكثر من كذا بالقائمه .. الشي الي ماحبيته جعة شريمبلس بصراحه توقعتها افضل من كذا .. احسها بيرة شعير (( موسي )) وحطوها لك في كوب وبسعر اغلى .. الاكل لذيذ جربت الربيان ممتاز وايضا الحبار حلو ومع الصوص رايق وانصحكم فيه .. وايضا القباقب ممتازه يصراحه حسيت ان توها طالعه من البحر جدا طازجه ولذيذة .. البطاطس حلووه .. فيه شي واحد ماحبيته ابد شوربة الروبيان 👎👎 وهذي تجربتي واعذرونا على الاطالة .. **اذا اعجبك التقرير قدم الاعجاب لاهنت _____ هذي الزياره الثانيه .. القائمه عندهم لازالت نفسها ولا فيها اي تغييرات واعتبرها قليله .. {{ التجربة }} #المحار جميل #الارز خفيف وفيه نكهه زينه البقيه نفس زيارتي الاولى لاكن لايزال جميل ويستحق الزياره ..

م. ب. ع.

المطعم أفراد وعوائل ● جلسات العوائل بالدور الثاني داخلية مغلقه بستائر .. الجلسات كنب متصل أو كراسي ● لايوجد موسيقى ● الإستقبال جميل وراقي ومتعاونين عند الطلب ● دورة مياة نظيفه ● المطعم نظيف وريحته جميله طلبنا/ ● تشكيلة ثمار البحر مع ذرة والصوص حاار يجي بكيسة متينة والأنواع مشكله وراهيه لشخصين ● طبق شريمبس تشكيله ربيان وفيلية سمك مقلي يجي مع نوعين صوص ● أرز أبيض لذيذ والمشروبات/ بيرة وكولا * يقدمون مريلة بلاستيك ومعها قفازات وملاعق ومناديل

م. ا.

المطعم فخم و لذيذ الاكل للأمانه وانصح الي يعشقون الاكلة البحري يزورن المطعم وبنسبه للاسعار ماهي مبالغه . واشكر الموضف الخلوق بندر العنزي على احترامه و تقديره لزبئآ❤️👍

w. a.

الأكل لذيذ وجيد .. لكن بعض الأطباق مبالغ بسعرها بالنسبة للكمية ، طلبنا ديناميت شريمب ٤ حبات ديناميت ب ١٧ ريال !! تصميم المكان كئيب ومقفل ينفع للعوائل اللي تحب الأماكن المغلقه ..

ع. ا.

مطعم ماشاءالله تبارك الله روعه جوده بالأكل خدمه مميزه تعامل راقي من قبل العاملين بالمطعم وأخص سلطان الكاشير يعطيه العافيه على حسن التعامل

r. F.

‏• الإسم:شريمبلس ‏• الموقع:طريق الثمامة ‏• أوقات العمل:من ١٢:٣٠م إلى ١ص ‏• التصنيف:أفراد/عوائل ‏• النوع :مطعم بحري ‏‏•الجلسات:داخلية ‏‏• الاسعار :متوسطة ‏‏•الموسيقى:لا يوجد •البارتشن:يوجد ‏• ‏الطلب:( ربيان مقلي،ربيان مسلوق مع ذرة بتتبيلة الكيجن كبير) الربيان حلو والبهارات حقته ممتازة والصوص دينامت شرمب حلو والربيان المسلوق ممتاز حقهم حار حامض حلو بس عاد اضرب بخمس صدق والبس قفاز ومريلة الدعوى به ضرب وقشر يا جدع المطعم حلو فيه بارتشن وبدون موسيقى ولذيذ وتغيير عن المعتاد • السعر: ١٠٠ ‏•التقييم : ١٠/٩

A. A.

الاكل لذيذ .. الكميات مقارنه بكميات شرمبنيشن تعتبر اقل بكثير .. الخدمه لابأس بها ، بسبب وجود عامل واحد فقط (الفلبيني) يباشر الزباين وينظف الغرف ، ويتلقى طلبات الزبائن ..

طبعاً افضل مكان بحري بالنسبه لي وجيته وانا جوعانه والموظف سلطان سرع لنا بالخدمه الله يسعده محترم ومتجاوب اول مره اروح فرع شريمبلس ويجي الاكل بسرعه

ر. ا. E. r.

من الأماكن المناسبة لتناول وجبة بحرية بخلطة خاصة،مقلي ومطبوخ مع الأرز والبطاطس بطريقة الكيجن (كيس به الاكل البحري مع الخلطة التي تختارها) أرى أن المكان فقط المكان يحتاج تحسين الاضاءات وبعض الديكورات والاهتمام بزيادة طاقم العمل، بسبب الضغط وقت الازدحام (شخص واحد يخدم اغلب الطاولات ويعمل كاشير أيضا) كما أرى وجوب إضافة خيارات أخرى تيمنا بمنافسيه مثل الدايناميت شريمب المقلي أيضا شعرت انه ممتليء بالدقيق (الطحين) ويحتاج إلى تحسينات إضافية من وجهة نظري الأسعار بشكل عام متقاربة في هاذا النوع من المطاعم، ولكن شريمبلس عنده اسعار أقل في بعض الوجبات الأساسية وصية العفريت : أرجو منكم الحفاظ على النعمة وعدم رمي الزائد من الطعام او التصدق به عسى الله أن يديمها ويمنعها من الزوال اقوم بترجمة مراجعاتي باللغتين واتمنى ان اساعدك في اتخاذ قرار الزيارة من عدمه اذا اردت تشجيعي، ادعمني بالمتابعة في خرائط قوقل و وسائل التواصل الاجتماعي @efreet_reviews A piece of advice from Efreet: I ask you please to preserve the blessings and don't throw away excess food,drink \you can also give it in charities or for the poor people around you, May God protect the blessings from demise. See the pictures. I translate my reviews with 2 languages and I hope to help you decide whether to visit or not If you want to encourage me, support me by following me on Google Maps and social media @efreet_reviews

J. J.

مطعم لذيذ و نظيف سعره مناسب و الخدمة ممتازة، انصح ب صنف شرمبلس الألذ في القائمة، اشكر السيد بندر العنزي معاملة و احترااام ممتازين

مطعم جميل والطعم جميل لكن بعض الشريمب جاني صغير واشكر الموظف السعودي فقسم العوائل سلطان اخلاق وحسن تعامل يشكر عليه

A. H.

تجربة حلوة والاكل لذيذ انصح به والعامل الكاشير اسمو عقيل جدا متعاون بالتوفيق والنجاح يارب

A. N. C. a. s. p.

ممتازين ونفس الجوده والمعاير. زبون عندهم من اول فرع لهم طريق انس بن مالك. اشكر الاخ سلطان على حسن استقباله

H. M.

أروع مطعم shrimps مع موظفين في قمة من الاخلاق و الإحترافية و الإبتسامة المرحبة...بالأخص الموظفين الاستاذ محمد و الاستاذ Padol. طعم و تقديم ممتازين و أسعار جدا مدروسة. مطعم يبيّض الوجه دائما و حظي الجميل دائما يقع مع محمد أو Padol.

F. S.

تجربة جميلة لمطعم يقدم الاكل بطريقة تلبس فيها قفازات وسفره تحتك ويعطيك السطل فيه المحار والقبقب والربيان انت تقشره بنفسك واول مره اجرب مثل هالمطعم اعجبني الربيان والمحار ما اكلت الا وحده اول مره اذوقها قسم العائلات فيه سعودي تعاملة رائع ونفسيته زينه رغم الزحمة

ع. ا.

الصراحه المطعم ذا من الذ المطاعم اللي تسوي الشريمب في اكياس وفوق حلات الطعم الخدمه المميزة من الاستاذ سلطان الله يعطيه العافيه

ص. ا.

🦐🦞🦀🦐مطعم شريمبلس Shrimplus من مطاعم الرياض الخاصة بالمأكولات البحرية التي تأسست عام ٢٠١٥م بالرياض، وهو اول مطعم كيجن بحري Cajun seafood بالرياض والخليج. 🌻جربته أكثر من مرة بصرااااحة وسأتحدث الان عن التجارب للامانة ولكي يعرف من يرغب بزيارة المطعم 😋ليقرر التجربة او الذهاب لغيره ؛ 📌الموقع والمكان : واضح وهادئ بجوار جامعة الامام ومقابل مكتبة جرير على طريق الثمامة ويتوفر فيه قسم قسم للافراد وقسم للعوائل (( جلسات العوائل غرف بطاولات بستاير فيها خصوصية )) المكان نظييف وهدووء يتوفر أيضاً اعزكم الله مغاسل ودورة مياه للجنسين بقسم العوائل ، قسم العوائل بالطابق الثاني والافراد بالطابق الارضي الطعم : لذيذ 😋وجربت كل الاصناف عندهم جمبري 🦐 وثمار البحر وقباقب ومحار واستكوزا🦀🦞🦐مع الذرة واخر طلب وتجربة كان طلبي بوكس المكس الاول بصوص فلفل 🌶 سبايسي والبوكس الثاني بصوص ليمون 🍋 وثوم وكان الألذ واعجبني كثييير نصيحة اللي يعاني من مشكلة بالمعدة او القولون لايغامر ويطلب صوص فلفل 🌶 ياخذ الليمون مع الثوم كان سعر البوكس المكس ب123 ريال المشروبات الغازية بسعر 4 ريال الذرة الحبة ب5 ريال من ناحية تحضير الطلب مايتأخرون اقل من 10 دقايق ويجهز طلبك ولا انسى عندهم مشروب الزنجبيل الغازي 😋🍺 بصراحة لذيذ ويستحق التجربة 👌ملاحظاتي :- 1- العمال فيهم بعض الفهاوة طلبت مكس بدون صوص حار 🌶 وجابو لنا صوص سبايسي 🤨وبصراااحة استغربت رغم اني 🚨 منبه عليه وقلت له انا ماحب السبايسي . 2-طلبت الفاتورة عند الحساب وقال لي بجيبها لك مع الطلب وللاسف ماجابها والمفروض كسياسة اغلب المطاعم ان الطلب اذا لم يستلم المشتري او الزبون الفاتورة يكون الطلب مجاني ، وبالأخير لما طلعت من المطعم ومشيت مسافة تذكرت انهم ماعطوني الفاتورة ورجعت علشان اخذ نسخة من الفاتورة وانزلها بالتقييم ((وهذي تجربتي الاخيرة للامانة )) مما يسعدني ويشرفني متابعتكم لي بالسناب Snap:ssmm020🌺 وشكراً لكم ✅

الاكل لذيذ و الجلسات حلوه و موظف بندر العنزي كان متعاون و محترم جدا ماقصر معنا 🤙🏽

R. A.

بصراحه الافضل بالرياض من ناحية الطعم والجودة والشكر للعاملين جميعهم تعاون واخلاص بالعمل اهنيكم من كل قلبي 🌹

‪. F. A. (. B.

ما شاء الله المكان زحمة وتحتاج للانتظار كلمت على الرقم الخاص بهم ٨ مرات بعدها ردو!! طلب حجز ورفض قال مافيه حجز ووصلت وجلست انتظر ١٠ دقائق!! الإستقبال شباب سعودين وبشوشين الأكل لذيذ جدا 👌🏼 الخدمة سريعة يستحق التجربة المـوقـع : ٥ / ٥ الخدمة : ٥ / ٥ الجودة : ٥ / ٥ الأسعار : ٥ / ٥ النظافة : ٥ / ٥ الديكور : ٤ / ٥ الاقسام : أفراد / عوائل ملاحظات : قسم العوائل سواتر وخصوصية عيبه النفرين ضيق المكان ......................... لا يوجد موسيقى .........................

D. D.

الاكل لذيذ جدا و محافظ على الجودة كل الشكر لموظف استقبال الطلبات سلطان على حسن اخلاقه

Y. A.

أكلهم لذيذ و و خرافي زي العرادة محافظين على جودتهم و خدمة رائعة خاصة من الأخ سلطان في الكاونتر

مطعم رائع وأمينين بنتي نسيت ساعه ثمينه عندهم وتواصلت معهم ووجدتها عندهم شكرا أخ سلطان على اهتمامك

M. A.

المطعم ممتاز خصوصا الاخ بندر العنزي ماشاء الله عليه تعامله ممتاز الله يرفقه

ع. م.

اشكر الموظف بندر العنزي على استقباله ونصيحته في الاختيارات كانت موفقه ومن ناحيه اسعارهم مره مقبوله عن اسعار منافسينهم انصح فيه واكرر زيارتي 👌🏼

م. ا.

مطعم جميل وخدمه جميله واشكر اخوي سلطان على تعامله الجميل واتمنى لك التوفيق

T. A.

اليوم اول مرره نجرب المطعم وكانت تجربه ممتازه وكان تعامل الموظفين مميز بالأخص الموظف محمد اقترح لنا تشكيله ممتازه تنعاد التجربة 👍🏻👍🏻

O. A.

الاكل ممتاز وجوده ممتازه شكراً سلطان على ذوقك واحترامك🙏🏻❤️

م. م. أ. م.

كان تعامل وترحيب وطريقة تقديم الطعام والطلبات من الموظف سلطان رائع جدا اسلوبه ممتاز و ب احترام عن جد شكرا للناس اللي ذي كذا

b. a.

الأكل لذيذ وساخن وتوابل شريمبلس شي جبار. الخدمه ممتازه جدا وخصوصا الموظف بندر العنزي قمه في الأخلاق

ع. ا.

المطعم رهيب ورايق والافضل تعامل الموضفين مع الزباين وبالاخص الموضف سلطان محترم جداً ويخليك تجي اكثر من مره للمطعم بسبب اسلوبة الجميل ((راح اكرر التجربة باذن الله))

شكراً جزيلاً للأخوان بندر ونايف أحرجونا بحُسن التعامل صراحة، الأكل كان لذيذ وطازج والأسعار مناسبة جداً مقارنة بالمنافسين

A. M.

السعر مناسب و جودة الطعام ممتازه و شكر خاص للموظف سلطان على حسن التعامل و الخدمه

a. m.

مطعم غني عن التعريف الاكل لذيذ والخدمه خياليه و الموظف بندر العنزي الله يعطيه العافيه بشوش وخدوم 👌🏼👌🏼

M. A.

الاكل لذيذ عندهم وخفيف واحب اروحلهم دايم واشكر الموظف سلطان على الاستقبال والتعامل والخدمة

a. f.

اشكركم جدًا مطعم يحترم الخصوصية قسم للأفراد و قسم فوق للعوائل بسواتر و بدون موسيقى الخدمة سريعة اناجيت وقت الغداء و كان فاضي طلبت عرض الغداء ٢٦ حبة ب ٨٦ ريال بصوص الكيجن كان لذيذ بس حامض

A. A.

لا يعلى عليه. أفضل مطعم في هذي الفئة وأحلف بالله حلف بالنسبة لي ولأسرتي. استمروا بتقديم ألذ أكل بحري في السعودية. بالتوفيق يا رب وبالعافية لكل من ياكل. والميزة الثانية انه طعمه جودته هي هي طول السنين هذي وفي كل الفروع 👌🏼👍🏼🙏🏼

مطعم جميل جدًا لمحبين الأكل البحري ، يوجد جلسات عوائل وافراد ، والخدمة فيه رائعة جدًا وأخص بذلك الأخ بندر العنزي وبقية زملاءه ما شاء الله عليهم

H. M.

طلبت من المطعم بالتلفون وجهزوا طلبي بكل احترافية الموظف اللي رد علي جداً محترم وطلباتي كانت ربيان بخلطة ميكس وطلبت ذرة زياده ورز برضه طلب مستقل طلباتي كان عندهم عرض والاسعار حلوه بالنسبه للربيان عجبني انهم منظفين الظهر والخلطه حلوه بس مو واو والصوص قليل لو يزيدونه افضل الذره اقترح عليهم يقصونها قطعتين او ٣ افضل من تجي قطعه كامله خاصه لو كان الطبق للمشاركه بالنسبه للرز ماعجبني يعني الطبق هذا الرز يكون امريكي او مسلوق بزياده هنا مسوينه بطريقة الرز السعودي يمكن تعجب البعض بالنسبه لي لاني ماكله الطبق باماكن مختلفه كنت متوقعه نفس نوعيه الرز اللي منهرس شوي وبزبده واضحه الطلب جاء كامل متكامل سفره وقلفز وفوطه معطرة ومنقاش اسنان عجبتني التفاصيل

m. a.

شكرا مره على حسن الاستقبال والخدمة السريعه واشكر بالاخص الموظف بندر العنزي على تعامله الراقي ماقصر معنا ابد

ع. خ.

اول تجربه لي اعجبوني في خصوصيه للعوايل بارتشن لايوجد موسيقى الاستقبال ممتاز وفرندلي الويترز رائعين تحب البحري ماتندم لو جربت شوربه ربيان حار وبارد كلهم ممتازين الربيان والصوص المكس ممتاز ايضاً الاستاكوزا ممتازه الرز الابيض ممتاز بيرة شريمبلس جيده لو خلطوها بسفن بتكون احلى طريقه الاكل بها الشكل ممتعه وغير شكل

t. M.

اسلوب جدا راقي من الموظفين وخاصتاً بندر العنزي و سلطان روحوله وبيظبكم ويستاهل كل الخير الله يسعدهم❤️❤️

ع. ا.

الموقع ممتاز الاسعار مرتفعة بس فيه عروض بشكل متكرر يمكن التعرف عليها في الانستقرام تبعهم الاكل لذيذ يتوفر قسم للعوائل ذوي خصوصية و كبير لايوجد مصعد فقط درج المواقف متوفرة ✅

M. A.

طلبي كان عرض الراهي ماشاءالله الاكل لذيذ جداً. صراحة أنا أشوفه افضل مطعم يظبط الشريمب لاني جربت كم مطعم. ولا وصلوا نفس مستوى شرمبلس. والكمية. صدق راهيه وحبيت الخدمة السريعة. من العاملين واهتمامهم بالزبون. ونظافة المكان.

f. e.

جودة الربيان تغيرت وكذلك الداينمت وكميته ، لكن يشفع لكم الاخ سلطان ونفسه الحلوة والاستقبال الطيب.

ن. ا.

جرّبته مع صديق للامانه اكل لذيذ وتعامل ممتاز جدا من الاخ سلطان

ب.

الصراحه والله شغل جبار والي يشتغلون فيه محترمين الشابين نايف ومحمد ونعم فيهم والله وشكراًًً مره على التعاملللللل❤️❤️❤️❤️❤️❤️❤️❤️❤️❤️❤️

ح. ح.

من افضل المطاعم اللي تقدم المأكولات البحرية بطريقة الكيس بالتوابل، الروبيان المسلوق بتتبيله شريملبس👌🏻لازم تخلط الرز بالتوابل اللي بالكيس لان الرز بدون اي توابل وتاخذ روبيان مغلي 👍🏻 ولا تنسى مشروب الزنجبيل 😋 (الرز يعتبر ناشف شوي ولكن افضل من بعض المطاعم اللي يقدمون الرز اللي يجي منتفخه شوي) اتمنى من المطعم يهتم بالرز اكثر علشان يكون الشغل 👌🏻

ف. ء.

الأكل لذيذ، والأخ سلطان استقباله وتعامله طيب.

A. A.

الاكل مايحتاج مدح وشكر خاص لسلطان على تعامله الراقي والخدمة المميزة

ع. م.

شريمبلس الحب القديم عاد بنفس جودة البدايات والاسعار في الفرع ارخص بكثير من كل التطبيقات شكراً لهم اولاً شباب سعودي محترم وافتخر فيهم خصوصا سلطان ، تجربتي الاسبوعية كانت روبيان والصوص تشيزي ❤️🔥