تقييمات صالون مارش | march salon. (خدمة إزالة الشعر بالليزر) - الطائف (منطقة مكة المكرمة).

صالون مارش | march salon

1122 تقييمات العملاء

91 تعليقات المستخدمين

خدمة إزالة الشعر بالليزر

صالون تجميل

7CMR+98، حي الجال، الطائف 26523

معلومات إضافية

معلومات عن صالون مارش | march salon (خدمة إزالة الشعر بالليزر - الطائف, منطقة مكة المكرمة)

تحقق من تفاصيل المكان، ساعات العمل، أوقات الازدحام، معلومات الاتصال، الصور والتقييمات الحقيقية من المستخدمين.

هذا المكان لديه تقييمات ممتازة ويظهر خدمة عملاء رائعة. موصى به بشدة!

الخريطة

ساعات عمل صالون مارش | march salon

أوقات الازدحام

الاثنين

الثلاثاء

الأربعاء

الخميس

الجمعة

السبت

الأحد

تقييمات صالون مارش | march salon

B.

الصالون بالنسبة للطايف مرتب جداً .. قسم البدكيرومنكير جداً الفلبينيات ممتازات ومنظمات التعامل راقي والبنات لطيفات وبصراحه نفوسهم حلوه .. نجي للميك اب انا عملت عند رازان بصراحة كانت وااو عملت لي ميك اب كان روووعه راقي وانيق حديث نعومه بفخامة مافي لبخ بصراحه تعاملهم جداً لطيف شفت بنت ماعجبها الميك اب تبعها وطلبت منهم تعيد .. بكل صدر رحب مسحوا لها وعادوا لها الميك اب حبييييت الحركة جداً واللطف في التعامل ~.. اتمنى يستمر المستوى تعاملاً والجودة في الشغل ..، واقترح للمشغل يجبو وحدة ترسم تاتو وتكون محترفه راح تشعل الصالون وااو لان الصالون فعلاً يستحق ….🌷🌷

ت. ا.

اليوم سويت مساج عند جميله ماشاءالله تبارك الرحمن من جد مساج من قلب حلو و خفيف يدها ما توجع مره استرخاء و يروق حرفيا فكت كل عظم يوجعني مره شكرا مارش كمان سويت ديتوكس للفروة عند سمر اخ اتمنى كل واحده تجرب الشعور اللي جربته وربي بدون مبالغة حسيت الفروه تتنفس شعور ما ينوصف تنظيف من اعماق القلب وربي حلال كل ريال تحطونها تعامل راقي ولا تنتظرين في الانتظار كثير الكل ماشاءالله بس يبغى يخدمك موظفات الاستقبال يهبلون من اجمل الصالونات اللي دخلتها ب حياتي 🩷🩷

*. A. Q.

ثاني زيارة للصالون ذا 🫡 يستحق كل الاحترام الموعيد عندهم تمام 👌🏻 الميكب عند الارتست صباح عسيري 🌹 بجد مبدعه المكيج بجد لعبتها وتستاهل كل خير غاية بالذوق ، انصح فيها بقوة . التسريحة عند فجر 👌🏻 وهي بجد فجر ابدعت جدا بالتسريحة 🫡 ومنكير سويت 👌🏻 شغلهم روعه . عندهم كورنر للكوفي خذيته منه شاي 🥹 طلع مو مجانا انتبهوا انا خذيت وشربت 😂 طلع بفلوس حسيت بالاحراج 🫣 . انصح فيه بقوة . ارجو اني افدتكم .

S.

قصتي جميله مع هالصالون من فين ابدا الاستقبال جدا جميل وراقي عبير وفاء هنوف الغامدي والمشرفه امجاد روح جميله وابتسامه رائعه احتفاء بكل عميل واما بالنسبه للعاملات فهم قصه ثانيه معايه سكر ومن اسمها لها نصيب اناملها ذهب في التساريح شفت لها كذا تسريحه على عميله قبلي وقت انتضاري وابهرتني وقت شغلها معي جدا رضيه بلمساتها بنتي سرحتها سمر هذي نمط اخر من الابداع المكياج عهود ورزان كلمة شكر لوحدها ماتكفي طلتي انا و بناتي من تحت يدكم ابهرت الحظور في زواج اخويه كل اللي اقدر اقوله ماشاء الله ,الله يهني مالكه الصالون فيكم لاحظت ان الجميع فيه روح الفريق المتعاون الواحد وكانهم اسره

ا. M.

كانت تجربه رائعه من بداية معاملتي مع موظفة الاستقبال امجاد كانت خلوقه ومتعاونه وقصيت شعري عند هدى التونسيه رائعه ومتقنه جدا فنانه وعجبتني قصة شعري كانت زي ما ابغى بالضبط .. 💕

a. T.

صالون يقدم للعميلة اكثر مما تطلب من حسن استقبال و اهتمام برضاها ، موظفات الاستقبال لبقات ومتعاونات جداً،،،، 👌🏻( و تبقى كلمات الامتنان العميق حائرة في وصف شغل ستايل هير (فجر) احس و هي بتشتغل في التسريحة انها بترسم ،، لأنها بتهتم بادق التفاصيل ، و تتحدى اي صعوبة في نوعية الشعر اللي قدمها ان كان خفيف او تالف ، قسم بالله تخرجين من تحت يدها و انت مو بس راضية الا طايرة في السما من جمال شغلها ( يعني تشتغل بروح الفنان المبدع) الف شكر يافجر .

Y. A.

سويت بدكير 💅🏻 عند سلستي ايادي واقدام دقيقه ونظيفه صالون من كل الخدمات رائع + سويت رموش مرا جميله والله بكل امانه انصح فيه شغل رائع حد.

b. h.

صالون يبرد الخاطر تنظيم وشغل نظيف ، سويت تسريحه عند الهير ستايل تغريد كانت مبدعه وطلعت بنتيجه افضل من اللي ابيه حتى شكراً تغريد . جيت اون تايم وطلعت قبل حتى الوقت اللي قلت بطلع فيه ، سريعين ومايضيع وقتك ابداً وتطلعين وانتي مبسوطه من النتيجه 🤍 ان شاء الله مو آخر مره.

R.

حطيت خمس نجوم عشان تعامل اخصائية الشعر سمر الله يسعد قلبها والمشرفة ما قصروا وتداركوا الغلطه اللي سوتها الاخصائية الثانية بدون لا اذكر اسمها ما حبيت اكتب الاسم لان ما ابغى اكون سبب في قطع رزق احد ولكن يا ليت تركزين مع الناس ايش طالبين وما تحلفين وانتي عارفه انك مو مركزه واذا تكلمت وقلت تعليق على الشغل تعصب يا ليت تقدرين ان الناس دافعه وما طلبت إلا حق من حقوقها ما تفضلتي عليهم في شيء. بالنسبة للمكياج تسلم يد الميكب ارتست ناهد كل الاشخاص اللي قابلتهم مدحوا مكياجي وسألوا فين صلحته واكيد قلت لهم على ناهد راح اعيد التجربة بإذن الله ولكن ما راح اطيح في نفس الغلطة الشعر مع سمر والمكياج مع ناهد وكل الشكر لهم وللمشرفة.

s. s.

افضل صالون في الطائف بدون منازع حقيقي من ناحيه جوده المنتجات من افضل ما يكون ولكل عميله ادواتها الخاصه ميك اب واظافر غير اخلاقهم الحلوه كلهم وانا تعاملت اكثر شي مع مها و وفاء الميك اب المعروف لا يعرف ناهد اغا والاظافر سلستي شغلها نظيف واخلاقها حلوه شكراً لكم 🩵🩵🩵🩵

ر. أ.

شكرا لبنات الاستقبال على لطافتهم وشكرا ناهد اغا على الميكب الجميل وشكرا تغريد على الشعر الشغل فنااان قطعة وحدة ومرتب من اول الليلة لاخرها شكرا لكم🤍🤍🤍

W. A.

جيتهم على اخر الوقت وكان استقبالهم حلو والاخصائيه جواهر جيتها ورحبة بكل صدر رحب وسوت حواجبي احسن من كنت ابغاها تسلم يدها وعلى تعاونها الحلو وهذي اول مره ازورهم ويتساهلوا زيارة ثالث ومليون مره 🤍🤍✨شكراً اخصائيه جواهر وتسلم يدها

R. A.

من لايشكر الناس لا يشكر الله شكرا ، لطاقم كامل بدون تخصيص على لطافتكم وحسن تعاملكم ، التعليق الي ينكتب من القلب وبكل امانه . الصالون تعامل وخدمات واسعار علما انني كنت متردده من التعليقات السلبيه ولاكن حبيت احط ثقتي فيهم واجرب بنفسي وشهادة حق ما ندمة يستاهل التقيم وزود بعد ❤️

N. A.

ماشاءالله تبارك الرحمن صالون يفتح النفس ورقان وخدمه رائعه وتعامل راقي والاحترام من الموظفات وحبيت التنسيق مواعيد والتنظيم جهد اشكرهم👍 عليه و موظفه <امجاد <قمه الأخلاق والرقي .. ومكياج 💄خورافي عند ارتست صباح عسيري >لطيفه وجميله حبيتها 🥰😍مكياج مميز وجميل ومكياج نظيف لدرجه سويته من 3 العصرإلى 6صباح ماخرب مكياج ولاغلطه 🤩خيال الكل يسألني عن مكياجي … الشعر💇🏻‍♀️ Hair stylist ~أمل ~ عسوله رهيبه ومحترفه وسريعه تفهمك ع طول وتسريحه ثابثه … عملت لون اظافر 💅🏻عند سلسلتي 🙎تجننن أبدعت في أظافري كاني مركبه اظافر حبيت شغلها مررره أبهرتني صراحه اقول اجل لون اظافر كذا شلون لو سويت بدكير منكير 🙅🏼‍♀️خورافي تصوير المبدعه أفنان 🤳صورتني صوره مع اضاءه خيال طبعا أطلالتي مميزه وجميله ولاغلطه حرام مااوثق الجمال صدق طلعت من عندهم أنا مبسوطه جدا صدق لفت انتباهي بالصالون ماشاءالله تبارك الرحمن موظفات Professional كلهم فيهم روح التعاون وإتقان والاحترفيه والروقان يشتغلون من قلب وحب😍 ♥️ أهنيهم ع روحهم الحلوه ♥️♥️♥️♥️ انصحكم فيه طبعا راح اعتمدهم في مناسباتي 👌

M. A.

امس كان يوم الشوفه حقتي ورحت لهم من باب الصدفه دخلت الصالون ولقيت بنات الاستقبال قمة في الاناقه والرقي والوجه البشوش جاوبوني على كل اسئلتي بصدر رحب و عملو لي خصم على كل الخدمات الي طلبتها 😍💖 سويت واكس ساق ويد و منكيور بدكير و مناكير لون pink 💖 و عملت كمان واكس حواجب وواكس شنب كنت مع نيلم ونور الباكستانيات 💕 رائعات في الشغل والخدمه وشغلهم نظيف وعملت استشوار للشعر مع جميله الفلبينيه she was cute and professional ولما خبرت نيلم ونور ان اليوم شوفتي وعقد القران عملو لي بوكيه ورد لطيف وحطو لي اغنية جميله 🥹 وهنوني وباركو لي بنات الصالون كلهم 💕 حمدت الله اني اخترت هذا الصالون وباذن الله اذا جاء يوم الزواج بجي اعمل مكياجي وشعري عندهم 🥰 شغلهم محترف وراقي وترندي 💖 واذا فيه شغله ماتناسبك يقولون لك مو قصدهم الفلوس ابد وحتى الاسعار جدا مناسبه 💖

D. A.

خدمة تركيب الرموش مع العاملة الفلبينية بيرتني اظن كذا اسمها نسيتو روعه مراااا ماشاء الله عليها بس مسكينه جدًا مضغوطة الزباين ورا بعض عليها تحتاج تاخذ بريك بدون احد يضغطها بالمواعيد ورا بعض حرام هي انسانه بالنهاية وتحتاج تستجمع قوتها ويتم استشارتها بعدد الحالات الي تتحمله كل يوم وشكرًا لكم

W. M.

انا سعيده بالتجربه..اولا اشكر أمجاد الحارثي . كلمه ذوووق قليله فيهاا. انسانه رائعه وأخلاق لأبعد حدددد. اللي سوت شعري تغريد المبدعه .. من ٢٠١٧ وانا زبونتها قبل تكون بصالون مارش .. شعري طلع تووووحفه.. واكيد الميكب عند ناهد الفنانه طلعتني مثل ماابغى واحللللى

O.

اليوم سويت حواجبي عند عهود، اولا: الصراحه مكشره وحتى مااخذت واعطت معاي انه ايش تبغين وايش حابه! ثانيا: اسلوبها جفس وماحبيت مره تقلي باسلوب منافخ غمضي، اللبانه لوسمحتي. اول شي الصدق التمست لها العذر قلت يمكن متضايقه من شي، لكن يوم رجعت للمشغل جايه تقلي وينك انتي ادورلك لي ساعه قلت ليه تدورين لي، يوم تناقشنا قلتلها اشفيك كذا زعلانه او معصبه ! فتوقعت تلين شوي. بس ماش صراحه. مدري هي كذا اصلا او اليوم مو يومها. لكن العميل يوم يجي للصالون يحب الاهتمام والتعامل الحسن💕.

ن. ا.

الصالون جداً نظيف ومريح والبنات ماشاء الله جدًا لطيفات ومريحات للعين والقلب واموله القرشي فديت روحها اللطيفة انسانة في قمة الذوق والهدوء واللطافه ماشاء الله عليها فاهمه شغلها صح وتعطي الزبونه حقها من الخدمة وزود الله يعطيها الف عافية بصراحة ماندمت ابدا لزيارتي لهم وباذن الله اكررها ع خير

ا. ع.

الصالون كخدمات ممتاز طاقم العمل بشوش مديره الصالون هنوف قمه في التواضع والقبول و خرجنا على الوقت المتفق عليه المكان نظيف وشرح الله يسعدهم ويبارك لهم من أجمل صوالين الطائف

M.

صالون مارش كان خدمتي عندهم ك عروسه. وابداع حبيت شكلي بالمكياج وكان روعه وكان عند الارتست بشاير العتيبي وكان المكياج من ادق الاشياء والتفاصيل اين نهايتها حابتها مره لا من ايلاينر لا من الايشدو لا من رسمه الحواجب الي لاول مره احب حواجبي كذا وكان تجربه باذن الله تكرر عندهم واروح كان اول خدمه تقدم لي عندهم ثانيا الهير ستايل سيمو ما انظلم طول شعري ابدا كان نفس طوله وعطا شعري جمال اكثر وحبيته مره. وبعدها تركيب الاظافر صراحه ما اذكر وش اسمها بس كان جميل ومرتب ع يدي وكنت امسك واستخدم يدي بكذا شي ما اخاف انها تنزل. واخيرا كان تعاملهم الراقي يزيح عنك توترك واخلاقهم العاليه والادب والذوق الرفيع زاد جمال شغلهم جمال وبالنسبه لي صالون كامل متكامل ماشاء الله 🫶🏻🥹🥹🥹ممتمنه لهم وجدا

A.

صراحه صالون راقي نظافه و ترتيب واذكر بالأخص الموظفات مها و وفاء و مديرتهم الهنوف تعامل و أسلوب يبرد الخاطر سويت عندهم خدمه التشقير و الصبغه والأظافر 🩵

S. 8.

اقسم بالله شهادتي فيهم مجروحه بعد ما حجزت عندهم وقرأت بعض التعليقات والله خفت انها تأخر الزباين و شغلهم مو حلو و راسلت امجاد الحارثي والله والله انها الشخص المناسب في المكان المناسب هدتني وانتبهت لبنتي وطلعتها قبل الوقت المحدد شكرا غير كلزمها و اسلوبها الله يسعدها والله بنتي سوت عند ارتست اثير العبدالله والله والله والله شغل فوق الوصف ماشاءالله تبارك الرحمن والشعر و الاظافر المكياج الي بعد الفجر ماتغير ولا شي مع ان وصلنا القاعه والجو حااار و لما لبست الفستان توقعت بتخرب التسريحه ثاااابته ماتغيرت ماشاءالله تبارك الرحمن اشكركم والله من كل قلبي وبإذن الله في زواجها عندكم

A. A.

سويت عندهم مساج عند جميلة يجنننننننننننن شغلها واصلا الصالون كله تبارك الله مو اول مره ولا اخر مره اتعامل معهم بكل الخدمات .. والتعامل جدا راقي وذوق كلهم

e.

فعلا ماندمت على اختياري الدائم للصالون واشكر الاخصائية جميلة على تنظيف البشرة فعلا خرجت وانا راضيه عن الخدمه وشغلها ومستحيل اسلم بشرتي لغيرها وبصراحة هذي مو اول مره انظف بشرتي عندهم 👍🏻

م. ا.

الصالون قمة الجمال تعامل راقي جدا جدا هاديين والمكان يفتح النفس من النظافة جواهر عملت عندها تشقير وصبغ حواجب راقية وناعمة وشغل محترف بس ناقصهم معطر جوا بالمكان ويصير أسكن عندهم من الراحة النفسية 😇👍👏👏👏👏

م. ج.

المكان راقي وهادي وذوق واخلاق الموظفات وتعاملهم ابهرتني ❤️ وخدمة قص الشعر اذهلتني عند الاخصائية فجر والبدكير حق بطة جداً نظيف ومرتب جربوهم وراح استمر في التعامل معهم كمشغل ع شغلهم الحلو 🫶🏻❤️❤️❤️❤️

f.

صبغت شعري اليوم عند الأخصائية هدى ، لو اشكرها من اليوم لبكرة مايكفي من يوم جيت استشارة وانا مرتاحه تماما تجاوب وتفهمك وتاخذ وتعطي ، سوت لي الصبغة اللي ابيها بالضبط وشرحت لي كل شي وطلع اللون احلى لون اصبغه في حياتي، نفسها حلوه وبشوشه واهتمت بصحة شعري وماقصرت مستحييييل اروح لاحد غيرها بعد كذا الله يسعدها 🤍🤍

ح. ا.

مكان جميل الطاقم كله راقي حبيت المكان لو جيت الطايف مره ثانيه لازم اجيه بعتمده تنظيف البشره روووووعه كانت الكوافيره جميله تجنن والكوافيره ساره رائعه حتي الاستقبال والمسئوله راقيات شكرا لانكم اعطيتم صوره جميله للطايف ❤️❤️❤️❤️❤️ حنان الزهراني

a. a.

الصالون مرتب وملتزمين بوقت الخروج المحدد الموظفات عسل سويت الميكب عند عهود اخلاقها حلوه وشغلها اعجبني زي ماطلبت وافضل طلعت وانا جداً راضيه وبوقتي المحدد بدون تأخير اشكرهم على حسن التعامل والتنظيم

L. A.

اول مره اجي الصالون وسويت تنظيف بشرة مع جميلة الشغل روووعة اول مره اطلع من مكان وانا راضية لهذي الدرجة شغلها ولا غلطة Jameela is the best one , I tried hydro facial many time in Taif but I didn’t like the results , but with Jameela was different and she is very good

S. A.

يبنات لاتتعدون هدى فالصبغات والقص فنانهه ماشاءلله شعري زي ماهوا مانعدم بعد سحب اللون وكمان فالبدكير سلستي مبدعههه

N. A.

انا عروسه وسويت الميكب عند الارتست الرهيبه ساره خان فنانه واخلاق بشكل والهير ستايل المبدعه فجر شغلهم وتعاملهم رهيب ومشرفة العرايس امجاد تجنن حرفياً بتعاملها واخلاقها وتعاونها مع العرايس واغلب فريق العمل اللي تعاملت معاهم الصراحه قمة في الاخلاق والتعاون ربي يسعدهم جميعاً ♥️

M. A.

مكان جميل والاستقبال مها جداً رائعه ومحترمه ومتعاونه وبشوشه اضافه جميله للمكان الله يسعدها وشغل الجل الاكريليك عندهم رهيب جداً 🤗🤍🤍🤍🤍

G. A.

حبيت اقول رأيي كأول زياره واقيم الصالون والطاقم من افضل الصالونات وبأذن الله مو اول ولا اخر زياره تعامل بيرفكت من جميع الطاقم وموظفة الاستقبال ابتسامتها لحالها تشرح الصدر واخلاق والله عسسسلل عسسلل🥺🤍🤍🤍🤍 سويت سشوار وسراميك عند بطه يناااس تهبل مرا وشغلها ولا احلى صدق تستاهل المدح واخلاق وسويت تركيب اظافر ولونين لليد وللرجول الله يكرمكم والله جميلة والتركيب مو واضح صراحه صالوننهم موووتتت والديكور بعد حلو وترتيب وهيك الله يسعدهم كلهم متعاونين لابعد حد ولو في نجوم اكثر حطيت يستاهلون❤️❤️❤️❤️

V. C.

الاخصائيه جمييييله مررررا شغلها حلو ما ندمت اني جربتها صراحه يهبببل

س. ا.

الصراحة شغلهم مره حلو سويت مكياج عند الارتست عهود البقمي شغلها يجنن وبعدها بيومين رجعت شقرت حواجبي عندها تعاملها يجنن

ش.

صلحت عند ناهد لـ ملكتي يا بنات الميكب ولا غلطة يجنن ولنهايه اليوم ما تغير مع انو بشرتي كانت معدومه ، الله يسعدها وين ما كانت ،انصح الكل فيها ❤️❤️

S. O.

عندهم افضل hairstylist في العاااالم تغريد الحبش ❤️❤️ والارتست عندهم فنانات لكن للامانه عندي ملاحظة بسيطه وهي انه المفروض تحترمون رغبة العميل لما يقولكم مابغى اصور اكثر من مره يستأذنون مني اذا عادي يصوروني واذا رفضت يضغطون علي وشكرًا

ن. ا.

الاخصائيه أمل قمه بالذوق والرقي وشغلها من قلب وتعلمك وش يناسبك وكذا وشغلها مره جميل الله يرزقها من واسع فضله ويسعدها وين ماكانت كلمة حق تنقال بحقها شغلها اتقان وابداع

ع. -.

الصراحة انهم جميعاً قمة في الأخلاق وحسن التعامل .. فعلاً يحرصون على رضا العميل .. جربت عندهم التشقير عند منى مره عسل الله يسعدها .. ما سبق جربت شغلهم في المكياج والتساريح بس شفته على الزباين صراحة حلو .. بإذن الله في أقرب مناسبة راح أعمل عندهم وبإذن الله ما أندم واثقة من هالشي💕

A.

هدى لاااااااا تتعدونها فالقص والصبغات فضيييعه وتفهم اللي يناسب لي 💕💕💕

M. A.

الي يبي تسريحة ثابته حلوه تغريد خنش يجنن شغلها مرهه بس

B.

سويت ميكبي عند عهود يجننن محد ما سألني عنه واغلبهم قالو مين سواه وعادي نصور يجننن وهي اخلاق وتشتغل بذمه وضمير طولت علي والميكب طلع ي ج ن ن وامجاد الحارثي عسسسل عسل وشفت شغلهم على العرايس يابنات يجنن نظيف عند اثير

J. E.

جدا جدا رااااااائعين الاستقبال قمه في الاخلاق روحت وانا اول مرره اروح كنت متخوفه من قصة شعري وربي كلامهم يريح ..قصيت شعري عند هدى رااااااااائعه ماشاءالله اخلاق تعامل وتعطيكي رأيها بصراحه ..شكرا صالون مااارش وان شاءالله مو اول مررره راح اجيكم كثير بإذن الله🥰💋

R. A.

اجمل صالون بالطائف واخصائية الاظافر شيلا بطططلة shila والارتست ناهد والهير ستايل فجر والمنسقة الذووووق والعسل امجاد زويد عسل وتعاملها راقي الله يحفظها 😘😘😘 وكمان الفلبينيه الحلوة سليستي عملت لي بودكير قدم بططططلة وفينوس اخصائية اظافر الجل والاكريلك مره حبيت شغلها الاظافر عندها ملفته وطبيعيه thanks Venus 💅🏾

ه. ع. ا.

الصالون فخم ومرتب ومنظم.. عملت صبغه وتشقير الحواجب.. شغلهم ممتاز

ن. ا.

صراحه البدكير وتركيب الاظافر شي خياااال انصحكم في سلستي يجنن شغلها مره🤍

N. S.

صالون جميل واستقبال رائع . طلبت خدمة تنظيف بشرة مع الموظفة الرائعة جميلة 🙏💙

H. A.

الصالون جميلل والعاملين فيه بالذات الاخصائيه امل عسل وتنحب وتريحك وتفهمك كل شي بالضبط صبغاتها حلوه وعرفت لشعري وهو فيه حنا وطلعت لي لون يليق فيا وحلو وكمان تعامل حقت الاستقبال امجاد عسل ويحسسونك كانك ف بيتك وكمان اللي سوت لي شعري سمر سريعه استشورت ليا طلع كذا فيه فوليوم حلو وهلثي

ش. ا.

يجنن المشغل ورايق ومنظم ❤️ اول مرا اروح لصالون واطلع منه مروقه بدون اي مشاحنات او تاخير والبنات اللي يشتغلوا فيه كل وحده ذوق اكثر من الثانيه ولو ان الاسعار غاليه شوي 😩 وتسلم يد ناهد صراحه المكياااج ولااا غلطه كلهم بالزواج يقولون اليوم باربي 🙈😂❤️❤️

D. S.

صالون راقي بكل ماتعنيه الكلمة جميع طاقم العمل متعاون ومحترمين ومبتسمين وخلوقين وتنظيمهم اكثر من رائع الله يعطيكم العافية صبغت عند أمل روعه ومساعدتها سمر ربي يسعدهم جميعاً ماقصروا معي والنتيجه حلوووه

S. A.

مببببدعيييييين من استقبال من موظفات من نظافه من خدمة من ميكب اب من روح الموظفات الحلوه 😍😍 كنت عند صباح والصدق خرجت وانا مبسوطه جدا 😍😍😍 وبالوقت وقبل خرجنا 🔥❤️

G. A.

سويت اليوم تنظيف بشرة ومساج مع جميلة ..بشرتي تلمععع بعدها والله ومساجها رهيب ومريييح🤍🤍🤍🤍موظفة الاستقبال وفاء لطيفه وتعاملها راقي🤍

ا. ل.

افضل مشغل على الإطلاق صبغت عند الاخصائية أمل اخصائية اكثر من رااااااائعه والمكياج ناهد اغا جدا جدا جدا روووووووووووعه والتساريح فجر خيال خيال خيال نفس اللي طلبت واحلى وثبات مكياج غير طبيعي بالنسبة لبنتي كانت عروس اجمل إطلاله صنعتها آثير باناملها الجميلة فعلا مشغل يستحق التجربة مستحيل اتخطاه واروح مشغل ثاني رقي في الموظفات والعاملات وتعامل فوق المعدل الطبيعي وشغلهم يستحق كل هلله تدفع فيه بلا مبالاغة ❤️❤️❤️❤️❤️❤️

J. A.

مرا مرا عسل الموظفات محترمات كلهممم غير انو شغل مافيه زيه فالطايف صدق يستاهلون خمس نجوم 👍🏻👍🏻👍🏻👍🏻

خ.

الميكب عند عهود فنااااااانه تسلم يدهااا ✨✨✨ تسوي مثل م تبون وافضضل بلمساتها فعلاً مبدعه

N.

شكراً لأخصائية تنظيف البشره جميله تنظيفها مايؤلم لطيف على البشره 🌟🌟🌟🌟🌟

L. B.

بقول تجربتي بذمه وضمير.. انا من اهل الرياض وصدفه جيتهم قبل اقرا التعليقات وكانت من اجمل التجارب كل الطاقم متعاونين ويهتمون فيك من تدخلين لحد خروجك وفعلا قالوا تبداين ١ وتخلصين ٤ وخلصت نفس الوقت ما اخروني غير شغلهم جميل جميل من كل النواحي شكر خاص للهير ستايل :تغريد عجبتني التسريحه مرا وثبات الشعر مو طبيعي قعد ثابت لنهايه الحفله تسلم ايدها + الاستقبال ساره تحملتني هههه وفتحت لي شبكتها عشان الدفع متعاونه مرا ولطيفه ماقول غير ياحظ الطايف بس على كثر ماروح صالونات بالرياض مافي مثلهم بدون مجامله🤩

R. d.

شغلهم جميللل تغريد الله يسعدها سوت شعري وسارة سوت لي الميكب مبدعين🤍🤍👍🏻

U. A.

المساج وتنظيف البشره عند جميلة روعه وتسلم ايديها لا تتعدوها👍🏻

S. 1.

جربت المساج عندهم الشغل ولاغلطططططه فنانه الموظفه اسمها جميله شكرا صالون مارش قضيت وقت مريح بس عندي اقتراح بسيط لو يكون في مناشف استخدام مره وحده افضل وايضا يكون فيه شاي بابونج بعد المساج احس بتكون الخدمه خمس نجوم

A.

اول شي امجاد الي في الاستقبال تفتح النفس وروحها حلوه ، سويت ميكب سهرة عند ناهد مره حلو شغلها مرتب سوت لي كل شي زي ما ابغا ، وسويت الشعر عند تغريد غنية عن التعريف مو اول مره اجي لها تسوي لي

و.

للامانه اجمل تجربه عندهم من حلاوه شغلهم ودي اوريكم شغلهم علي ماشاء الله شغل نظيف ولا طبقات المكياج شي نظيف وقلوي بلمسات الجميله صباح عسيري والشعر والله العظيم الويفي مافك لليوم الثاني علماً ماستخدمو مثبت ولا رفعو الحراره عند الحلوه فجر مو خساره اي ريال فيهم واللي تجربه ع تعليقي وماعجبها مستعده ارجع لها قيمه خسارتها يعلم الله ماكتبت هالكلام الا من شده اعجابي ان الطايف صار فيه شغل كذا ، علماً رحت صالونات كثير ومشهورين وارتستات ولاشي امامك يامارش ابداع🙏🏼

A. S.

الاخصائيه أمل القرشي اخلاق وذوق ومتفهمه جداً وأناملها تنلف بحرييير وحقيقي شغلها في الصبغات ابدااااع روحو لها كلكم بالإضافه لأمجاد في الاستقبال جداً راقيه ومتعاونه 🖤🖤🖤🖤🖤😍

M. 0.

صالون راقي حتى في عز زحمتهم ؛ الموظفه المسؤوله عن الحجوزات جداً راقيه اعتقد اسمها مي ماافتكر الصراحه بس كانت قمه بالاخلاق والرقي ؛ الميك ارتست ساره مبدعه وشغلها نظيف مرا ؛ الهير ستايل تغريد تفتح النفس من ناحية شغل واخلاق ؛ شكراً لكم ماحتكون اخر زياره لكم باااذن الله💙

a. k.

الصالون على أحلى مايكون ، سريعين بالرغم من إننا موسم رمضان ، مو أول مره أجرب مساج جميلة دايماً انا عندها رائعة رائعة بمعنى الكلمة ، والبودكييييير عند سلستي ولا غلططططة لاتتعدونها 🤍🤍🤍🤍🤍

A. K.

ذي زيارتي الرابعه صالون نظيف ومرتب جيتهم قبل عيد الفطر وكانو كويسين وسو لي خدماتي جربت تركيب اظافر ونيل ارت ناقصهم ادوات كات اي والكروم جودة الاظافر الاسبوعيه مو مره بس تقدري تجيبي اظافرك ويركبوها لك جربت ارت وتركيب عند فينوس ماحبيتها تشتغل بدون نفس ولا تقبل تعليق ومع الضغط تسوي اي شي لازم اكلم الاداره وهم يقولو لها تعدل خدمة البدكير تجنن حجزت عندهم بكج هديه لامي واختي وراضين عنهم الميك اب سويت عند عايده فنانه بمعنى الكلمه يدها خفيفه واكثر شي عجبني نظيفه وحريصه تسوي ميك اب وهي لابسه قفازات وقفة احترام صدق 🫡 الميك تسوي لك زي ماتبغين بالزبط وتقترح بس ماتصر ونفسها حلوه طبعًا حجزنا مجموعه لمناسبه و سويت عند وحده ثانيه برضو لان كان عند عايده فل وشغلها جميل لكن اسلوبها لا وتتذمر كثير للاسف وشفت بالكومنت كاتبين اسمها فما يحتاج اعيده وساره برضو الميك اب حقها حلو بالنسبه للشعر سويت عند سيمو مع اني طلبت سكره الاخلاق برضو كانت يادوبك بصراحه زيارتي الاخيره لهم كان فيه عندهم مشكله واضح انعكست على الموظفات وذا شيءٍ سيئ لان انا مو ذنبي مفروض يكون فيه احترافيه بالعمل عموما الناس اللي يستحقون تقدير جهودهم عايده ميك اب و جواهر حواجب وبدكير نيلام ياحلوها اجتهدت بالارت والتركيب لين رضيت عنه راح اكرر الزياره لاجواء الصالون راقي وهادئ وذي الاشياء اللي تهمني اتمنى يهتمون بالملاحظات اللي ذكرتها واتمنى لهم التوفيق

S. A.

لقد قمت للتو بتصفيف رموشي مع بريتني وأحبها، فهي مذهلة وسريعة ومحترفة، وهذا الصالون محظوظ بوجودها.

s. s.

أحب الخدمة التي تلقيتها، كانت المضيفة أمجد دافئة جدًا وما زالت تخدمني حتى عندما تأخرت عن موعدي لمدة 20 دقيقة بسبب حركة المرور. حصلت على أفضل تدليك لكامل الجسم لأمي جميلة. أود أن أشجع الجميع على القدوم لزيارة مارس فهم محترفون ومهذبون للغاية

A. M.

شكرا سلستي أنت الأفضل

M. A.

جيد جدًا

اتصل بنا