تقييمات مركز الربوة الطبي. (مستشفى) - الرياض (منطقة الرياض).
مركز الربوة الطبي
2685 طريق عمر بن عبد العزيز الفرعي، 7868، الربوة، الرياض 12834
معلومات إضافية
معلومات عن مركز الربوة الطبي (مستشفى - الرياض, منطقة الرياض)
تحقق من تفاصيل المكان، ساعات العمل، أوقات الازدحام، معلومات الاتصال، الصور والتقييمات الحقيقية من المستخدمين.
هذا المكان لديه تقييمات ممتازة ويظهر خدمة عملاء رائعة. موصى به بشدة!
الخريطة
ساعات عمل مركز الربوة الطبي
الاثنين
٩:٠٠ص–٩:٠٠م
الثلاثاء
٩:٠٠ص–٩:٠٠م
الأربعاء
٩:٠٠ص–٩:٠٠م
الخميس
٩:٠٠ص–٩:٠٠م
الجمعة
مغلق
السبت
٩:٠٠ص–٩:٠٠م
الأحد
٩:٠٠ص–٩:٠٠م
تقييمات مركز الربوة الطبي
R. R.دكتور محمد مصطفى سوا لي التقويم مده ثلاث سنوات تقريبا مره ممتاز لدرجه اني خليت اهلي يسوون عنده كمان ما قصر ب اي شي يعني حتى يوم خلصت دفعاتي كملت اجي عنده ويشتغل بضمير مو زي بعض المراكز يطولون عشان الدفعات
ومنجد غير لي شكل اسناني وحريص عليها اكثر مني بنواحي كثيير اشكره كثير لانه حببني بالعنايه بالاسنان وصرت اوليها اهتمام كثير
خلصت وفكيت التقويم واليوم جيت استلم المثبت صراحه تجربه متعبه التقويم بس النتيجه كانت تستاهل
M. L.شكر خاص للدكتور عبد الرحمان العبيسي . عندي عقدة نفسية من دكاترة الأسنان لتجربتي السابقة الفاشلة و جيته و أنا خايفة مرة و حالتي صعبة جدا و نفسيتي صفر . قسما بالله دكتور نفساني قبل ما يكون دكتور أسنان . دقة فالمواعيد إتقان فالعمل ذوق فالمعاملة لطافة أخلاق صبر خفة يد مو طبيعية ما شاء الله إنتي لسة خايفة مالشي الي راح يعملو تلاقيه خلص 😅ضمير مهني أعلى بكثييير من كنت أتصور . الحمد لله ربي وفقني بطبيب مثلك ☝️فخورة بدكتوري ⭐️عبد الرحمن العبيسي⭐️
a. a.مشاءالله تبارك الله حمدلله توفقت بهالعياده تعاملهم جداّ رائع عندهم دكتور / محمد تمام مثل هذا الدكتور ماقد شفت يتعامل معك كأنك أخ له مو مريض عنده ينصحك نصايح ويعلمك الافضل لك شكراً لك وتعاملك الطيب
ش. م.المواعيد متاحة بشكل مستمر
تعامل راقي من الاستقبال والدكاترة
الدكتورة ساره بالخصوص هي اللي تعاملت معها وكان شغلها اكثر من رائع صراحة في تنظيف السوس وتركيب الحشوات الاسعار كانت مناسبه .
وواجهتني مشكلة بعد تركيب الحشوات بكم يوم واستقبلوني بصدر رحب وما خلوني ادفع لا على الدخول ولا حتى التعديل اللي طلبته من الدكتورة صراحة تشكر وجميع العاملين في المركز محترمين لأبعد حد ومرنين.
A. A.اشكر المركز على حسن تعاملهم ورقيهم والبنات بالاستقبال يشكرون على عملهم الرائع وخدمتهم الراقية، كما احب ان اشكر د.محمد مصطفى اللي ابدع في تقويم اسناني، كنت اهدف لنتيجة معينة ولكن الناتج النهائي كان فوق الخيال شغله جبار يشكر عليه وكذلك حرصه على ادق التفاصيل واهتمامه ومتابعته الاكثر من رائعة، اراه الافضل على الاطلاق🌹.
ا. س.اهنيكم على تواجد الدكتورالسرحاني
اخجل واستحي لدرجة العيببب ان اقيم🥲🥹 الدكتور السرحاني لانه فعلياً فووووق التقييم .على كثر الشهادات والعلم الذي حصل عليه . الا انه شخص بسيط جدا جدا . رووحه عسسسل وخفيف ال مدري كيف تطري عليه😂😂
من خيرة الاطباء امانه وذمة وضمير .مررريح جدا صاااادق انسان لديه شغف للعمل
ويعطي من كل قلبه ، حريص جدًا عالبيشنت وتعب معاي فعلًا ويعامل
المريض بكل تواضعا
انا من مريضاته انا واهلي وصديقاتي من كان يعمل بغوج2013
وانتقلت معه لعيادتكم .. .غاثينه كل ما يروح وراه من عيادة الى عيادة الين استقر بعيادتكم الجميلة😍 .
R. D.عرفت عن المركز بالصدفة عن طريق مدح كذا شخص لدكتورة مهره والاستشاري عبدالله ، لكن جيت لـ د.مهره وبديت جلسات السوس معها وللامانه كنت جدًا متخوفه بسبب سوء العيادات السابقة لكن تبارك الرحمن روح ويد خفيفه تخلي الشخص يطمئن معها وغير شغلها الخيييال الي فعلًا اشوفه وكأنه ما تسوى من نظافة الشغل ودقته لدرجة كنت بالاسنان الأمامية كنت اسوي تحدي لأهلي أي سن سويت 🤣 وما كانوا يعرفون وينصدمون لا عرفوا كانت لون وشكل الحشوه مطابقه للسن وجلساتي معها كانت كثيره ممكن سويت ١٢-١٤ ضرس لكن الخوف انقلب لفله ووناسه صرت اروح لها وانا متطمنه ونخلص ضرسين او ثلاث بدون ألم وصراحه جدًا سعييددة بشغلها وبروحها الحلوه وما ندمت اني جيتها أبد أبد، ايضًا راجعت عند دكتورة فاطمة لضرس واحد حق عصب وعسوله مره حتى شغلها نظيف وخفيفه يددها والشغل مرتب، كلهم حلوات قلبًا وقالبًا ، وبعد ما كنت شخص اخاف العيادات صرت شخص يسنتر بعيادتهم😂 وودي أسند صور على شغلهم من حلاوته لكن حسيتها ما بتكون مناسبة للبعض بس عمومًا شغلهم خيالي 💗💗!
ه. ع.احب اشكر عيادتي المفضلة
انا من ٢٠٠٨ معاهم سويت عندهم زراعة مع الدكتور محمد كل الناس
ولازلت معاهم
احب اشكر الدكتور ضرار على حسن تعامله وبشاشته مع المرضى
كيف امتص الخوف والتوتر من ابني وكيف تحول موعد الاسنان عنده من شي مرعب الى موعد لقاء مع دكتور محبب له
كما اشيد بالدكتور محمد مصطفى على حسن تعامله واجتهاده في العمل وكيف يرسم لك الخطة العلاجية بطريقة سلسة ووافية
عالج فيها بناتي ثنتين توسيع الفك ولازلنا في الخطة العلاجية
شكرًا عيادتي المفضّلة والعريقة (مركز الربوة)❤️
ع. س.تجربتي مع دكتور التقويم محمد مصطفى
حالتي كانت جداً صعبه والحمدلله قدرنا نوصل لنتيجة جداً ممتازه مع العلم إني رحت لدكتور جدا مشهور بالرياض وقال لي حالتك ما ينفع لها تقويم وأنه أصلا
ماراح تقدر تركبه لكن الحمد لله بفضل الله سبحانه وتعالى ثم فضل الدكتور محمد قدرنا نركب والحمد لله وصلنا لنتيجة جدا ممتازة 💯
N. A.أشكر الدكتوره اماني السبيعي على الاخلاق العالية والعمل المتقن والنصائح الطبية أنصحكم بزيارتها وأتمنى لها التوفيق والنجاح
ن. ا.هذا المركز اشتغلت فية استقبال قبل 14سنة عام2011 - 2010 ومن وقت ماكنت فية كان من افضل المراكز في ذاك الوقت ان لم يكن احسنها على الاطلاق .. اذكر حتى المراجعين كلهم امراء و ممثلين ولاعبين مركز من قديم شغلة فخم ولا انسى الدكاترة محمد شفيق كل الناس ) والدكتور ضرار الشمالي < هذا خصوصا من امهر الدكاترة على الاطلاق < لكن هل هم متواجدين او لا
O. f.الدكتور عبدالله السرحاني "أعظم دكتور شفته في حياتي " دكتور فاهم ومخلص ماشاءالله تبارك الله مدري كيف كنت ظالمه نفسي مع غيره ، لكن الحمد لله اللي صار هاليوم وعالجت عنده ، جيت وأنا كل مستوصف يقول لي خلع الا هو قدر يحافظ لي على الضرس وما أخسره ، و ناويه أعالج باقي أسناني كلها عنده بإذن الله ، مكسب عظيم للمركز حافظوا عليه تشبثوا فيه والله أعظم دكتور أسنان بالمملكة لاقوة الا بالله👌🏻👌🏻👌🏻
بالنسبة للمركز جميل ونظيف ماشاءالله 👌🏻💙
S.قبل شهر تقربياً سويت اسناني عند الدكتوره لميس حمدلله ان ربي كتب اني اسوي عندها شغل متقن ماشاءالله تبارك الله الدكتورة المناسبه في مكان المناسب وشكر المنسقه انسانه تتواصل اول باول ومتواضعه وشكراً جداً مستشفى الربوه الطبي
H. S.سويت أسناني عند دكتورة لميس صراحه الشغل احترافي وجدًا جدًا خيال تسلم يدينك دكتوره من اكثر من ١٥ سنه وانا وأقاربي نراجع عند الدكتورة لميس دقة بالمواعيد و بشاشة ولطافة الدكتوره وحسن الاستقبال 🤍🤍🤍🤍
M. M.دكتور محمد مصطفى شغله ممتاز جدا والمركز مشهود له بالاطباء المميزين ونتمنى لهم التوفيق
H.المركز كويس ولكن يعيبه انه سعره غالي ولما تكلمين الاستقبال عشان تستفسرين عن الاسعار يسلكون لك ب اي مبلغ بالاخير تطلعين وانتي دافعه دبل المبلغ يعني انا رايحة لهم على اساس مبلغ العصب من ٣٠٠ الى ١٠٠٠طلعت من عندهم وانا دافعه ٢٠٠٠ ريال على سن واحد بس؟؟؟والدكتوره تشرح لك الحاله بدون ماتعطيك نبذه عن كم يكلف.
N. Q.الحمدلله عيادة ممتازة و قد الثقة.
الدكتور محمد مصطفى افضل دكتور لتقويم الاسنان حرفياً اسناني تعدلت بأسرع وقت👍🏼
e. h.شكر خاص للدكتور عبد الرحمان العبيسي يستقبلك بكل حب و متفهم .أحسن دكتور تعاملت معاه . أنصح كل من يبحث عن دكتور كفؤ بالدكتور عبد الرحمان 🔝🔝🔝🔝🔝
م. ن.مركز متميز بكل طاقمه ..
عملت التقويم عند الدكتور محمد شفيق فلا تسل عن دماثة خلقة وخفت يده وتميزه وإبداعه وأمانته..
وجربت كذلك الدكتور أمير القاسم وهو المتخصص في علاج الأسنان حيث لمست الاحترافية والدقة والتمكن من عمله والتمكن من إيجاد مكان التسوس الخفي فله كل الاحترام والتقدير ..
ولا أنسى كذلك الدكتورة لميس فهي من تعالج الأهل ويذكرون تميزها وخفة يدها ..
المركز يتميز بتوفر كافة الأجهزة الحديثة والتقنيات في مجال الأسنان كأجهزة الأشعة اليدوية والتي تظهر الصورة بشكل مباشر أمام المريض من خلال الشاشة كذلك أجهزة إزالة العصب وغيرها ..
يعيب المركز غلاء السعر .. فحبذا تكون الأسعار أقل من ذلك
أتمنى لهم مزيداً من الإبداع والتقدم ..
B.رحت على نصيحة اختي لدكتور محمد وفعلا نصيحتها كانت ب مكانها👍🏻👍🏻
حالة اسناني كانت صعبه مع ذالك بدع الدكتور الله يعطيه العافيه وطلعت بنتيجه احلا من الي توقعتها😍
l. h.عالجت عند الدكتورة مهرة المزيني ماشاء الله ترسم السن ما يفرق عن الطبيعي …ومريحة جدا تشرح لك ايش بتسوي خلال العلاج 👍🏼
وتبييض عند الدكتورة سارة و النتيجة اعجبتني البياض والصفاوة الطبيعية …
N. A. M.من افضل عيادات الاسنان جوده احترافية تعامل
اشكر القائمين على المركز والدكتور محمد والدكتوره ساره
ع. ا.بصراحه المركز تطور بشكل كبير . انا من اقدم المراجعين لديهم اشكر ادارة المركز على اهتمامها بأدق التفاصيل واشكر دكتور امير على سمو اخلاقه ودقة عمله. كما اشكر دكتور محمد مصطفى اخر من تعاملت معه فقد ابهرني بنتائج التقويم الشفاف ( القوالب) وانصح بالتعامل مع المركز كانت تجربتي جداً رائعه ،،،
A. D.اشكر الدكتوره لميس على خفه يدها وماشاء الله تبارك الرحمن روحها الجميله /عندما راجعت عندها لزراعه السن واشكر منسقتها روان لتجاوبها للمريض 💞
W.سويت تنظيف وتبييض اسنان وصراحة شغل الدكتورة ساره السيد مره حلو النتيجة مُرضية فعلاً ارجع لها مره ثانيه بدون تردد🤍
ع. ا.سنتين في التقويم والحمد لله خلصت كل شيء، قروشتهم شوي بس ما قصروا استحملوني
دكتور محمد مصطفى ما قصر معي نهائيا
M. A.الدكتور عبدالله السرحاني
١١ سنة أعاني من رعب الأسنان وخوف من شيل العصب وصوت دريل الاسنان وفي جلسة وحدة فك العقده الي عندي اسأل الله ان يفرج همه ويسعده يارب فعلاً الدكتور المناسب بالمكان المناسب أنصحكم فيه وبشده والله على ما أقول شهيد
Ş. Ş.تجربتي معهم بكل ذمة وضمير ، زرت العيادة وحاجز كشفية وكنت متررد صراحة بخصوص الاستشاراة ( لأن لي مواقف مع عيادات سابقة مع الأسف ) وبناءً عليها قلت يمكن الإخصائي راح يكرر نفس الكلام التقليدي أو يخترع مشاكل بهدف الربح المادي "مثل الأغلب مع الأسف" ، وكانت الاستشارة مع الدكتورة أماني، لكن للأمانة وبصراحة وبكل وضوح، تفاجأة من التعامل الطيب والمحترم واللبق + شيء نادر أشوفه أنه عادي تجلس أطول وقت تشرح لك الحالة وطريقة العلاج بكل يِسر وسهولة وبساطة، (عكس اغلب الأخصائيين كلمتين ورد غطاهم)، وأيضًا ما أنسى خِفة يدها والإحترافية والدِقّة بالشغل، ابداااع بشكل كبير تبارك الله وأيضًا حريصة كل الحرص على الإتقان وإن المراجع يطلع راضي ، الله يرضى عليها ويكثر من أمثالها، وأخيرًا، امتيازها بالتوصيات على مختص ثاني، وصت على دكتورة فاطمة بخصوص مشكلة بالاعصاب وكانت قد التوصية والثقة ... كل الشكر لكم
R. A.تمت زيارة لي مع الدكتور/ضرار الشمالي دكتور اكثر من رائع تعاملاً واسلوباً وطبياً من امهر دكاترة الاسنان يجعل كل شيء سهلاً بارك الله فيه ونفع به 🌸شكرا لهذه الاخلاق العاليه والحرفيه في العمل
E. E.الله يسعدها الدكتوره اماني على كثر ماهي كويسه وبالها طويل يكفي تعطيك طاقه ايجابيه 😍😍
W. n.تعاملي مع الدكتورة لميس من أكثر من سنتين أنا والعائلة ، تبارك الرحمن شغل احترافي ويدها خفيفه ، الحمدلله أجريت عندها عملية زراعه والحمدلله كل أموري ممتازه وتستاهل المدح كل العيادة شغل الدكاترة فيه أمانه وحرص واحترافيه ، كل التوفيق🙏🏼🤍
ن. ع.اشكر/دكتوره مهره المزيني على تعاملهاا واسلوبهاا راقي جميل
وخفه يدهاا والشغل بطل بطل بطل جعل ربي يسعدهااا لا تفوتكم شغل الاسنان عندهااا 👍🏻♥️
e. a.د . ضرار أشكرك على تعاملك الراقي
وشغلك الإحترافي المهني .
A. B.تجربة أولى ممتازة و سلسلة
ما في انتظار طويل و الاستقبال اسلوبهم لطيف خاصة الاخت رشدة
و الدكتورة موضي الظاهري ممتازة عالجتني من مشكلة عانيت منها فترة 👌
بإذن الله راح ازورهم اكثر من مرة لمشروع تظبيط باقي اسناني
D. S.كل الشكر والتقدير للإستشاري الدكتور عبدالله السرحاني بعد معاناة لمدة سنتين حل المشكله كلها بجلسة وحده ماشاءالله يده خفيفة وشغل متقن وشال الخوف والتوتر اللي كان فيني الله يجزاه خير انسان خلوق مخلص ومتفاني في عمله الله يكثر من امثاله أنصحكم فيه وبشده
S.تجربتي كانت مع د.محمد مصطفى طلعت من عنده بنتيجه مره حلوه الحمدلله ، شخص محترم وفاهم بشغله ومهتم للتفاصيل البسيطه يعطيه العافيه ، لكن عندي ملاحظه ع الممرضه اللي اخذت لي اشعه ضايعه ومو عارفه كيف تستعمل الجهاز وتعاملها دفش وبالنسبه لمواقف المركز دايم مقفله ما ادري وش فكرتهم مخلينه يعني للموظفين بس؟ طيب ما فكرتو يالمراجعين؟؟ صدق عجيبين.
A. M.من افضل دكتور وأفضل علاج وأفضل نتيجه (علماً باني قبل ٤ سنين ركبت تقويم و فكيته لكن النتيجه ماكانت مرضيه ) - رجعت أعالج عند دكتور محمد مصطفى افضل و ارقى دكتور من علاج من مواعيد من كل شي مقدر أوصف لكم النتيجه الان مرضيه و اروع نتيجه علاج اتعب وانا اقول افضل دكتور 👍👍👍👍
N. O.تجربتي مع الاستشاري الدكتور عبدالله السرحاني ما شاء الله عليه، سويت عنده تركيب اسنان مع علاج عصب كان شغله دقيق ومحترف وهتمامه بالتفاصيل جعل النتيجة تبدو طبيعية تمامًا. الله يجزاه خير صراحة، أنا مبسوط جداً بالنتيجة الحمدالله كان خيار موفق جدا انصح الجميع .
م. م.السلام عليكم
الى اي واحد يفكر انه يجي مركز الربوة للاسنان تعال وصدقني ماراح تندم اليوم انا سويت تنظيف عميق وتلميع عند الدكتورة مهرة المزيني يعطيها العافيه قمة الذوق والاحترام يدها كانت خفيفه وحولت اسناني الي كنت استحي ابتسم واطلعها للناس الا اني ابتسم واخلي الناس يمدحون اسناني يعطيك العافيه ي دكتوره مهرة وماراح تكون اخر مره ازور المركز
R. .. a.د.اماني السبيعي شكراً لك ماشاءالله من افضل الدكتورات
N. F.اولاً انا ودي اقول انه د. عبدالله السرحاني
من مكاسب هذا المركز
دكتور احترافي وباله طويل مع المريض ويخاف ربه فيه، غير هذا كله متواضع جداً
الله يعطيه حتى يرضيه يارب 🙏🏼
N. A.يا صاحب المركز خطوة متاخره سنين وخطوة كنت انتظرها من زمان لكن الحمد لله المهم انها تحققت فكثر من 20 سنة وانا اشوف أطباء أجانب بالمركز بس
والان ماشا الله يضخ المركز بالاطبا السعوديين
ماشا الله الاستشاري السرحاني بالتجميل والعصب واستشاري فهد عدنان زراعة الاسنان
خلال اقل من سنة اثبتوا انهم أطباء اكفاء امينين يهمهم مصلحة البلد والمواطن ويخافون الله ويخافون على سمعتهم وطموحهم مثل قايدهم طموح جبل طويق فلن يصدق معك الا ابن جلدتك.
اللي يركز بالتعليقات كلهم من ربعهم وبنفس اللهجه والتسويق والضحك على الذقون مادرو ان امرهم مفضوح باالأسلوب
a.تعالجت مع الدكتور محمد مصطفي لمدة سنة بالتقويم الشفاف كانت النتايج رائعة جداً تعامل جداً راقي و نصوح دايماً يختار الافضل للمراجع . المركز مستواه عالي ب النظافة و الاستقبال . ثانكيو دكتور محمد
m.ركبت تقويم عند مركز الربوة وفكيته والنتيجه مرضية تماماً اشكر المركز بشكل عام على حسن تعاملهم ، واشكر الدكتور محمد مصطفى دكتور جدا محترم ويده خفيفه ويعطي المريض الخطة كامله تماماً قبل يبدا وكل حاجة بيسويها يستشير المريض صراحة ،، شكرا مركز الربوه وشكرا دكتور محمد🙏🏻❤️
A.خلصت مواعيدي مع الدكتورة لميس قبل رمضان والله يسعدها انسانة مريحة وبشوشة وشغلها دقيق وبذمة وضمير حريصة مره إنك ما تحس بألم وهي تشتغل على الاسنان ويدها خفيفة
R.العيادة قديمة ومعروفة من اكثر من ٢٠سنة
الدكتور ضرار ماشاءالله احد افضل من مروا علي والكثير يشهد بحسن تعامله وعمله
الدكتورة لميس شغلها نظيف ويدها خفيفة جدا
الدكتور عبدالله السرحاني ماشاء الله مايحتاج امدح فيه
كذلك غالية الاطباء الباقين ممتازين وكذلك التعامل
عموما المركز احد افضل مراكز الاسنان التي يمكن ان تجد فيها الجودة والعنابة ….
قد تكون اسعارهم مرتفعه ولكن يستاهلون بصراحة
اتمنى السلامه للجميع
f.لقد زرت مركز الربوه عند الدكتور ضرار علي الشمالي
وكان عندي حاله صعبه جدا سحب عصب ومعالجه
حيث وجهني الدكتور ضرار عند الدكتوره فاطمه الخربوش
وتم تشخيص الحاله ومعالجتها بجهاز الميكروسوفت الالي من افضل الاجهزه الحديثه وجدا العياده كانت مرتبه ونظيفه جدا والادوات جدا نظيفه والشغل ماشالله تبارك الله من افضل الشغل بدون الم وثم رجعت للدكتور ضرار وركب الحشوه الثابته ولله الحمد بدون تعب او الم
شكرا شكرا شكرا دكتور ضرار ودكتوره فاطمه خربوش على حسن التعامل والاستقبال ونصحكم جدا بزياره العياده
H. A.تجربتي مع د.عبدالله السرحاني 💜💜!!!
استشاري دوامه فقط ثلاث ايام بالأسبوع
متأكدة اي احد جربه لمس انه يشتغل وهو حاب الشغل فعلاً
ما أبالغ اذا قلت وصل للأحتراف تبارك الرحمٰن فاهم بالضبط وش يسوي ! اقترحت عليه يخلع ضرس كنت اشوفه انه خلاص يعني شغل دكتوره قديم ما ضبط فيه ف انتهى! رفض قالي الشغل القديم كله نصححه تصير جلسة حشو عصب وتركيب وتد ويجلس معك لمدة طويلة مع اهتمامك
كانت تقريبًا جلستين شغل متقن ونظييييييف من الآخر !!! كمتابع مع الدكتور بتلاحظ مع الوقت انه مزاجه دايم رايق ماشاء الله 😂 يعطيك وقتك كامل بنفس طيبة
كان دكتور لعائلة صديقة لي وبيصير بالمثل لعايلتي
A. A.تجربتي مع د.عبدالله السرحاني كان عندي التهاب فالعصب ع كلام دكتورة قالت لي روحي لاخصائي اعصاب انا م اقدر افيدك ونسبة الخلع ٩٥٪ رحت للدكتور عبدالله وانا خايفة يكون خلع ، اشتغل عليه وسوا لي تنظيف عصب والجلسة الثانية بتكون تركيب وتد والحمدلله افتكيت من الخلع الله يجعله هو و والدينه بجنات النعيم
a. a.مشاء الله تبارك الله لعمل الدكتوره لميس فعلا الي يبي يستثمر باسنانه للعمر يكون عند دكتور فاهم عمله ويعمل بكل امانه سويت عندها الفك العلوي وان شاء الله راجع اسوي الفك السفلي. الفرق واضح بالصور شكرا من القلب دكتوره لميس
R. S.يوجد في هذا المركز الصحي الدكتور الاستشاري عبدالله السرحاني
وهو يعد قمة وراس الهرم في اصلاح وتجميل الاسنان
تجربتي الشخصية اتضحت لي انسانية وحرفية الطبيب
في موقف طارئ ومستوى ألم عالي لم يمانع الدكتور استقبال المريضة رغم انشغاله وعدم وجود مواعيد
بل وتابع الحاله الصحية للمريضة براحبة صدر
وعلى مر السنين وكثرة التجارب اي شخص يجرب انسانيته وعمله المتقن سيبحث عنه اينما كان ليتابع علاجه
شكرا لك اخي الكريم الكلمات تعجز عن وصف كادر طبي متمثل بك
وانت اكبر دليل على كفائة ابنائنا الاطباء السعودين
اسأل الله العلي العظيم ان يطيب خاطرك بكل ما يسعدك ويفتح لك ابواب الخير والبركة في كل وقت وكل حين وكل من قال آمين 🤍🤲🏻
H.اوصي بالدكتور محمد مصطفى لتقويم الاسنان
من بعد نتيجة تقويم اسنان سابقة غير موفقة كانت سيئة وغير مرضية ابداً وكان عندي بروز في الاسنان
عالجت عند الدكتور محمد مصطفى وكانت نتيجة جبارة وطلعت بإبتسامة جميلة جداً
الخطة العلاجية كانت في وقت قصير من سنة الى سنة ونص وبعد كل مراجعة ألاحظ الفروق وتمنيت اني عالجت عنده المرة الاولى
الدكتور محمد دقيق ومتمكن واحترافي جداً ويهتم بأدق التفاصيل وحريص ان يخرج المراجع من عنده وهو راضي بالنتيجة .. كل الشكر والثناء للدكتور "محمد مصطفى".
N.زيارتي الاولى للمركز وعالجت عند الدكتور عبدالله السرحاني واكرمني بسعة ورحابة صدره واحترافيته في عمله وخفة يده والحمد لله النتيجة مرضية جدا واقدم شكري له .. وسأستمر بتكملة علاجي معه
L. T.ماشا الله الدكتور عبدالله السرحاني
هنا يشتغل كمان 😅 .
بصراحة العيادة اول مره اسمع فيها 😬 .
انا وهلي نتعالج عند د عبدالله بعيادة سيقال.
لكن دام الدكتور السرحاني يشتغل بالربوة .
فساكون جازمة بانها من افضل العيادات بالرياض.
اخ بس 💔الدكتور السرحاني من خيرة اعضاء هيئة التدريس اللي درسوني بالجامعه واشرفوا علينا بالبورد. يكفي انه كان يخاف الله فينا .
والله اني اقًل كلمة الحق واني مسؤولة امام الله ☝️فيما اكتب
الدكتور السرحاني جمع بين العلم والخلق 🌺.. وخفه الروح وسعة الصدر 😅
وهو خير من يحتذى به وخير قدوة لنا .
L. S.شكراً لدكتور عبدالله السرحاني تجربة ممتازه معه الله يعطيه العافية
ه. ب. ع.سويت تنظيف أسنان عند د. أماني السبيعي، جيدة ما شاء الله والتنظيف عنده ممتاز، ويده خفيفة الحمدلله
ه. ا.بتكلم عن تجربتي د.عبدالله السرحاني .. شغل مُتقن+يده خفيفه+فاهم جداً جدا في مجاله +اخلاق طيبه جدًا +عيادته نظيفه جدًا والنيرس اللي معه متقنه لعملها +اجهزه اول مره اشوفها والتقنية جدا عاليه والشغل سلس جدًا ويشهد الله على كل كلمة قلتها انصحكم لاتتعدونه ..انا جيته متازمة من دكتوره لعبت في اسناني حسبي الله عليها ومركبه تلبيسه ع اسنان تعبانه والتلبيسة غلط اصلا ولاعبه في سن ثاني والتهب العصب والدكتور سوا لي عصب واوتاد وحشوات وتلبيسات انصح فيه وبقووه..اطلت بالكلام لكن حبيت انقل تجربتي بذمه وضمير ولا انسى الاستقبال اخلاقهم راقيه جدًا.
S. A.المركز له تعامل قديم جداً مع العائلة لأكثر من ٢٥ سنه ، غني عن التعريف غير قربه من المنزل واليوم دخلت عند دكتور ضرار بدون موعد الحمدلله وعالج لي تسوس من غير بنج وارتحت من الألم المصاحب له .. صراحه خدمتهم حلوه مره والتعامل جداً راقي ودكتور ضرار بشوش ويده خفيفه
A. A.تجربتي مع الدكتور ضرار حشوة تجميلية اشكره على عمله من ملاحظة ماتحتاجه الاسنان وأسلوب ونتيجة مرضية
A. a.الدكتور عبدالله السرحاني شغله منتاز ويده خفيف ورجل فاهم بشغله ومتقن بعمله
واشتغل بسناني حتى بعد انتهاء عمله
الرجل الصح في المكان الصح
شكرا د عبدالله
A. a.اشكر القائمين على هذا الصرح الصحي من استقبال وتعامل
وشكر خاص جدا جدا وقبله بحجم السماء على جبين الدكتور ضرار على عمله وخفت يده في علاج العصب
ادامك الله لنا ذخر ونفع بك الاسلام والمسلمين
h. A.انا اتعامل مع المركز من زمااان بداية مع الدكتور ضرار روووووعه وصاحب ابتسامه ماشاء الله والاهم يده خفيفه ضبط لي تلبيسات لاسناني ومرت سنه واموري تمام التمام والان انا مع الدكتوره الرائعه والجميله لميس علشان الزراعه اتعب وانا اقول رووعه تشرح لك من قلب وتتابع معك اي شي ارسلها بالواتس وترد بسرعه وتعطي تفاصيل للحاله وهاااديه بالشغل تجنن اشكرها من صميم قلبي لانها خففت الخوف من زراعة الاسنان 💗💗
A. M.المركز تغير الى الافضل والاحسن
١٨٠ درجة تحول فرق للأفضل، كعناية واستقبال ونظافة واحترافية!
الدكتورة نجلاء النفيعي من الدكاترة القلة في الاسنان في الابرة المخدرة تعطيها بدون الام..
دكتورة خلوقة جدا ومتعاونة بالشرح والتشخيص.
والمعلومات اللي عندها توصلها لك بشكل بسيط ومفهوم، ومتمكنة بالشغل العملي.
الاستقبال وبالذات الاخت رشدة العنزي تعاملها لطيف وتعاوني، والابتسامة ما تفارقها.
شكرا لكم جميعا!
D. F.اليوم زرت المركز وكان عن طريق توصية بعض الاصدقاء،، حجزت موعد مع دكتورة لميس تركماني اللي شجعني على اختيارها التعليقات الايجابية عنها وفعلا طلعت قد التقييم يعطيها العافية متعاااونة جددا وتعطي وقتها للمريض فعلا ونفسيتها عسل.
اشتغلت عندها حشوات بسيطة وتنظيف اسنان، الشغل سريع وممتاز وماكان فيه الم.
س. ا.مستوصف نظيف ومرتب وتعامل راقي ومحترم
كان عندي خراج شديد بضرسي ورحت عدة مستوصفات وعدة دكاترة وما حدا رضي يشتغل فيه اربع ايام وانا اعاني من الوجع
كلمت الدكتور عبدالله السرحاني وشاف الحالة وقالي تعالي وما قصر عالج لي السن بأمانة وضمير وشغل متقن ويد خفيفة واستقبلني بيوم غير يوم دوامه بالمركز
شكرا الك دكتور وربي يجزاك الخير
m. 2.د لميس عيسى. شهادتي فيها انها من اقضل دكاتره الاسنان بالرياض بعد خبره طويله عالجتني وعايلتي كلهم. محترفه ودقيقه وأمينه. وتراعي المريض كانه من افراد عائلتها من لطافتها عملها دقيق جدا وواضحه مع المريض اتمنى لها المزيد من النجاحات
A. R.تجربتي مع الدكتوره لميس عيسى عسل روووعه شغل متقن تشتغل بذمه ايدها خفيفه سويت زراعه وسويت الابتسامه ايده تنلف بحرير الله يسعدها
A. A.اسجل شكري واعجابي في هذا المركز الجميل
من الاستقبال الى الطبيب الحبيب ضرار الشمالي
التعامل راقي وجميل ويوسع الصدر ويبسط الامور ومتعاون جداً من كل النواحي ويقدر الظروف ويساعد ويعطي حلول
وفي الاستقبال الموظفه راقيه في التعامل لايحضرني اسمها
شكراً لكم
في الفتره القادمه ممكن اتعامل معهم في زراعة الاسنان
ع. ا.اشكر الدكتورة الفاضلة مرام على حسن التعامل وخفة اليد والحرفيه العاليه
وانصح من لديه مشاكل في الاسنان الذهاب للدكتورة مرام الله يوفقها
كما اشكر الانسانه الخلوقه في الاستقبال على حسن التعامل الاخت راويه وفقه الله .
M. H.التلميع للمركز بالتعليقات مبالغ فيه جداً جداً صحيح المركز تغير بشكل ايجابي بس مو كثير
الليزر سابقاً كان موجود عندهم وشالوه الحين أعتقد فاشل بكل ماتحمله الكلمة من معنى / بنسبة للأسنان تأمين التعاونية لازم أخذ الفواتير وارفعها لتعاونية ومشوار طويل عريضضضض ليه؟
كذلك الأسعار مقابل الخدمة اللي حصلت عليها مرتفعه جداً ودخلت على أكثر من دكتور يعني تجربتي كانت منوعة عشان أحكم بحق
d. z.اهلين
بعد التحيه والتقدير
اليوم 26-6-2023 قمت بزيارة مركز الربوه لطب الاسنان
ووجت التغير من حيث الدكور والنظافه الفائقه والاضائه الجيدة
وافضل ما فى الموضوع تشرفت بمقابله سعادة الدكتور ضرار حيث اعجز عن شكرة وحسن اخلاقه واسلوبه الرفيع بالتعامل معى ودقة تشخيصه وعلاجه الفوق ممتاز
ولله الحمد اعرف الدكتور ضرار من اكثر من 20 سنه وهوا الدكتور المميز لى وجميع افراد اسرتي وبالختام اقدم شكرى الخالص
للدكتور واهنى المركز بوجود الدكتور ضرار
ولكم وللدكتور خالص شكرى وتقديري
عبدالعزيز بن ابراهيم الدحيم
ف. ح.أشكر الدكتورة لميس والمنسقة ريم على حسن التعامل والتعاون معنا ،، ولكن
يوجد ملاحظة بسيطة على المركز وهو ارتفاع الاسعار
ع. ا.حقيقة الشكر لايفي هذا المركز حقه وعلى رأسهم الدكتور ضرار الشمالي يعتبر الزائر أخوه قبل أن يكون مريضا تعامل راقي وابتسامة ودودة وكلمة حانية أثناء العلاج وأعجبني فيه أذكاره المتكررة أثناء العلاج مما يعطي المريض هدوءا وسكينة فجزاه الله عني خير الجزاء وكذلك زرت الدكتور عبدالله السرحاني ونعم الرجل ونعم الدكتور ونعم التربية اخلاقه عظيمة وتعامله راقي
دمتم بود واسأل الله لكهم دوام التوفيق
M. S.زرت الدكتور ضرار الشمالي بعد غياب كم سنة من افضل اطباء الاسنان اللي تعاملت معهم شخص صادق وعملي وعالج عندي مشكلة كنت اعاني منها فترة طويلة وقالي على الخواريف فوراً الله يسعدك يادكتور قمة في الاخلاق والاحترام والصدق 🙏
M. A.تعاملت مع الدكتورة فاطمة والدكتورة اماني وانصح فيهم
ا. ا.اهني المركز على الدكتورة اماني السبيعي
حجزت عندها موعد لولدي وماشفت مثل خفت يدها لدرجة ولدي ما حس بالإبرة غير تعاملها اللطيييف واسلوبها مع المرضى ..
م. ع.اراجع من أكثر من ٢٠ سنة عند دكتورة رغدة وسافرت وحولتني على دكتورة لميس عيسى اكثر من ممتازة في الحشوات والتلبيسات وعلاج اللثة وزراعة الأسنان دكتورة ثقة واخلاقها عالية ومتواضعة واهم شيء أمينة وبعد تسوي خصومات
فيه مراكز ارخص بكثييير لكن الجودة اقل بكثييير بكل شيء من دكتور وأجهزة ومواد (لكن مركز الربوة مركز متكامل) ويستاهل وصحتك تستاهل الافضل
ف.تجربتي كانت عند د/ لميس عيسى بدون مبالغة افضل دكتورة رحت لها ، اتكلم عن شغلها ولا عن التعامل كلش ولا غلطة ما شاءالله تبارك الله
من كل قلبي اشكرها بعتمدها للأبد ❤️.
L. A. J.أنا تجربتي مع الدكتور محمد مصطفى ماشاءالله يجنن الله يسلمه شغله جميل ويده خفيفه واخلاق لي معه سنه وثلاث شهور وفكي كان متقدم واسناني فيها لخبطه والان الحمدلله اموري تمام يرجع الفضل لله ثم ل الدكتور محمد مصطفى يمكن شهر او شهرين وانتهي من عنده يعني بوقت قياسي تعدل فكي وترتبت اسناني الحمدلله والشكرلله
s. m.كل الشكر والتقدير الى الاستشاري الرائع والخلوق الدكتور عبدالله السرحاني تعامل اكثر من رائع وشرحه للحاله كامله قبل البدايه بالخطه العلاجيه الله يكثر من امثاله ويعطيه الصحه والعافيه
f. a.الصراحة انه من افضل مراكز الاسنان الي زرتها
بنتي عمرها ٤ سنوات الله يحفظها وديتها الى دكتور ضرار الشمالي يعالج التسوس الي في اسنانها
يعلم الله انه تعامل معها بكل احترافية وخفة يد
شكرا من الاعماق د. ضرار
كذلك انا مركب تقويم اسنان عند دكتور محمد كل الناس
والله العضيم انه كل من شافني يقول لي دكتورك مره شاطر
بالاخير شكرا ادارة مركز الربوة على ضم طاقم احترافي
L. •.اليوم تعالجت عن الدكتور ضرار الشمالي ماشاءالله عليه خفه باليد و اسلوبه جميل جدًا ينسيك انك قاعد تتعالج ، و تعامل احترافي جدًا وايضا الممرضه اثير اسلوبها جميل جدًا الله يوفقكم يارب 💗
E. M.طبيب اسنان ممتاز جدا جدا 100%. يمكنهم صنع أسنانك دون أي ألم. في كل مرة أزور فيها طبيب الأسنان هذا لا أشعر بالألم. ينصح الجميع بهذه العيادة وطبيب الأسنان في هذه العيادة. ثق بي. تجربتي في هذه العيادة مذهلة. شكرا جزيلا دكتور ضرار طبيب الأسنان. أنت لطيف جدا وطبيب جيد
. L. (. s.لقد كان ممتازا فقط. لقد كنت راضيًا جدًا عن العلاج. وعلى وجه الخصوص، الدكتور درار والممرضة الآنسة بيث لطيفان وودودان للغاية. حتى أنني استمتعت بمعالجة أسناني هناك. أنا سعيد جدًا لأنني وجدت عيادة أسنان رائعة في الرياض، المملكة العربية السعودية. شكرًا لك دكتور درار، منذ أن وجدتك لا أحتاج إلى قطع كل هذا الطريق إلى بلدي كوريا من أجل أسناني! ممتازين لأعلى👍👍
S. Q.الدكتورة سارة خبرة جيدة في طب الأسنان
M. A.إنها تجربتي الأولى في عيادة الربوة مع أطفالي الصغار. شكرًا د. الشيماء المصري.
أنا أوصي بها بشدة.
خصيصا مع الاطفال.
أنا فخور جدًا بأنك طبيب أسنان عائلتي. 🌹🌹🌹🌹
شكرا دكتورة شيماء
C. S.الخدمات المهنية. قمت بزيارتهم اليوم لإجراء عملية الاستخراج وتم الاعتناء بكل شيء جيدًا في الوقت المحدد وبسلاسة. كانت الدكتورة شهد والدكتور أمير بما في ذلك طاقم التمريض ودودين للغاية ومضيافين.
B. A. R.أود أن أشكر مركز الربوة الطبي على وجود الدكتور محمد مصطفى والدكتورة لميس عيسى. لقد اعتنوا أنا وعائلتي وكانت تجربة رائعة طوال الوقت.
B. J.الدكتور عبدالرحمن العبيسي يده خفيفة مررره ماشاءالله
اتصل بنا
الأحدث
الفيديوهات
الكل
م ن المالك
